Astana halyqaralyq áýejaiynda áýejai basshylyǵy men Qytaidyń Urumqi Air áýekompaniiasynyń ókilderi arasynda jumys kezdesýi ótti. Kezdesý barysynda Qazaqstan Respýblikasy men Qytai Halyq Respýblikasy arasyndaǵy jańa halyqaralyq áýe qatynasyn damytý perspektivalary talqylandy, dep habarlaidy dalanews.kz.
Kezdesýdiń negizgi taqyryptarynyń biri – Astana men Qulja qalalary arasyndaǵy turaqtyáýe qatynasyn iske qosý máselesi boldy. Aldynala jospar boiynsha reisterdi biylǵy qyrkúiek aiynan bastap aptasyna 2–3 ret oryndaý kózdelip otyr.
Sonymen qatar, áýe kompaniiasynyń ókilderi Astana halyqaralyq áýejaiyn Eýropa baǵytyndaǵy reister úshin tranzittik aviatsiialyq hab retinde paidalaný múmkindigine qyzyǵýshylyq tanytty.
Taraptar halyqaralyq baǵyttar jelisin keńeitý áleýetin, yntymaqtastyqtyń negizgi sharttaryn jáne halyqaralyq áýe qatynasyn odan ári damytý perspektivalaryn talqylady.
Kezdesý barysynda jańa baǵytta paidalanylýy josparlanǵan áýe kemesine de erekshe nazar aýdaryldy. Áńgime Qytaida óndirilgen zamanaýi óńirlik jolaýshylar ushaǵy – Comac C909 týraly bolyp otyr. Reister iske qosylǵan jaǵdaida, bul áýe kemesi alǵash ret Astana halyqaralyq áýejaiyna turaqty reister oryndaityn bolady.
Astana halyqaralyq áýejaiy halyqaralyq baǵyttar sanyn ulǵaitý, sheteldik áýekompaniialarymen yntymaqtastyqty nyǵaitý jáne jolaýshylar men tranzittik tasymaldy damytý baǵytyndaǵy jumystaryn júieli túrde jalǵastyryp keledi.
Aita keteiik, Urumqi Air – 2014 jyly qurylǵan Qytaidyń áýe kompaniiasy. Kompaniianyń negizgi bazasy Shyńjań Uiǵyr avtonomiialyq aýdanynyń ortalyǵy – Úrimji qalasynda ornalasqan. Urumqi Air ishki jáne halyqaralyq baǵyttar boiynsha jolaýshylar tasymalyn júzege asyrady. Qazirgi ýaqytta áýekompaniiasy 50-den astam baǵytqa reister oryndaidy. Áýe parkinde 15 áýe kemesi bar, onyń ishinde Boeing 737 jáne Comac C909 ushaqtary paidalanylady.
