Qytai Shandýn provintsiiasy jaǵalaýyndaǵy teńiz platformasynan ushyrylǵan Smart Dragon-3 zymyranynyń kómegimen Oriental Smart Eye (OSE) atty eki giperspektrli spýtnikti sátti túrde orbitaǵa shyǵardy, dep habarlaidy dalanews.kz.
Jańa spýtnikter giperspektrli túsirilim júiesimen jáne jasandy intellekt tehnologiiasymen jabdyqtalǵan. Bul júie jinalǵan derekterdi tikelei orbitada óńdeýge múmkindik beredi. Sonyń arqasynda aqparatty taldaý ýaqyty birneshe kúnnen birneshe minýtqa deiin qysqarady.
Mamandardyń aitýynsha, spýtnikter Jer shary boiynsha derekterdi ár bes kún saiyn jańartyp otyra alady.
Apparattar qorshaǵan ortanyń jai-kúiin baqylaý, aýyl sharýashylyǵy salasyndaǵy monitoring jumystaryn júrgizý jáne tótenshe jaǵdailardyń saldaryn joiý kezinde paidalanylmaq.
Joba Qytaidyń ǵaryshtyq tehnologiialar men jasandy intellektti biriktirý baǵytyndaǵy múmkindikterin keńeitip, Jerdi qashyqtan baqylaý júieleriniń tiimdiligin arttyrýǵa jol ashady.
