Qytai biligi elge kirý jáne shyǵý tártibine qatysty talaptardy kúsheitpek. Bul týraly Taivannyń Taipei Times basylymy habarlady, dep habarlaidy dalanews.kz.
Basylymnyń málimetinshe, jańa ózgerister «talanttardyń», tehnologiialardyń, aqparattyń jáne áleýmettik jelilerdegi derekterdiń shetelge ketýine baqylaýdy kúsheitýge baǵyttalǵan. Endi bul máseleler ulttyq qaýipsizdikti qamtamasyz etý salasynyń bir bóligi retinde qarastyrylady.
Jańa erejelerge sáikes, keden qyzmetkerleri azamattardan sapardyń maqsaty týraly suraqtar qoiýǵa jáne uialy telefondardaǵy elektrondyq derekterdi tekserýge quqyq alady.
Sondai-aq shekara arqyly ótetin adamdarǵa qatysty baqylaý kúsheitilip, bul sharalar tek Qytai azamattaryna ǵana emes, elde jumys isteitin sheteldik deldaldardyń qyzmetine de áser etedi.
Budan bólek, Qytai biligi shetelde memleket múddesine qaishy áreket jasady dep tapqan azamattarǵa elden shyǵýǵa úsh jylǵa deiin tyiym sala alady.
