Aýdio jáne beinejazbalardy qandai jolmen alynǵanyn anyqtamai, qylmystyq is boiynsha dálel retinde paidalanýǵa bolmaidy. Bul týraly dáleldemelerdi baǵalaýǵa qatysty normany qaraǵan Qazaqstannyń Konstitýtsiialyq soty málimdedi, dep habarlaidy dalanews.kz.
Konstitýtsiialyq sotqa júginýge qylmystyq isterdiń birinde aýdio jáne beinematerialdardyń dálel retinde qoldanylýy sebep bolǵan.
Sottyń túsindirýinshe, zańdy jolmen alynǵan málimetter ǵana dáleldeme retinde tanylady. Sonymen qatar jazbalardyń shynaiylyǵy, iske qatysy jáne olardy alý kezinde zań talaptarynyń saqtalýy jan-jaqty tekserilýge tiis.
Al naqty aýdio nemese beinejazbanyń zańdy túrde alynǵanyn jáne ony jinaý barysynda adamnyń jeke ómirine qol suǵylmaǵanyn qylmystyq qýdalaý organdary men isti qarap jatqan sot anyqtaidy.
