Dýshanbede turatyn tórt jastaǵy Sýmaıa ákesin tek otbasylyq álbomdaǵy sýretterden ǵana kóredi. Eki jyl buryn onyń ákesi Parvız Saıdrahmonov Reseıge aqsha tabý úshin ketip, Taıaý Shyǵysta shamamen Iraktan bir-aq shyqqan. Ol onda IM-niń qataryna kirip, atyn Abý Dovýd dep ózgertip, áleýmettik jeliler arqyly IM tobyn nasıhattaǵan. Parvız Saıdrahmonov keıbir beınebaıandarda adamdardy "jıhadqa shaqyryp", óte agressıvti sóıleıdi.

Ákesin saǵynyp júrgen Sýmaıa bir kúni teledıdardan ánshi Shahrıór Davlattyń beınebaıanyn kórip, qatty qýanady. Ol bul meniń ákem dep, ájesinen ákesin úıine shaqyrýyn suraıdy. Eki apta buryn Sýmaıanyń tátesi men ájesi Shahrıór Davlatty úılerine shaqyrady. Qyz ánshini ákesindeı qarsy alady.

Bul beınebaıandy Sýmaıanyń shyn ákesi kórgen. Jarty jyldan astam otbasymen habarlaspaǵan Parvız Saıdrahmonov beınebaıan arqyly qyzy jaıyndaǵy sújetti "arandatý" dep ataǵan.

Onda Parvız Saıdrahmonov "eger sizder, meniń joǵalyp ketkenim týraly, meniń anam men qyzym týraly sújet kórsetip, meni jıhad jolynan keri qaıtady dep oılasańdar, qatty qatelesesińder. Bizdi "et týraǵyshtan" ótkizseńder de, biz sońyna deıin baramyz", - degen.