El Prezidentiniń bastamasymen birinshi Quryltai qasietti Ulytaý jerinde ótkizildi. Sebebi Ulytaý jeri ejelgi tarihqa óte bai jer. Qazaq jeriniń kindik ortasy bolǵan osynaý qasietti mekende qazaq handaryn handyq bilikke otyrǵyzyp, ulyqtaý rásimi ótetin bolǵan. Birinshi Quryltaida kóterilgen ózekti máseleler men usynystar aqyryndap qoǵamymyzda júzege asa bastady.
Ekinshi Quryltai da el basshysynyń nusqaýymen qazaq handarynyń astanasy bolǵan qasietti Túrkistanda ótti. Mundaǵy kóterilgen irgeli máseler de júzege asa bastaǵanyn kóz kórip, qulaq estip otyr. Jańa Qazaqstannyń erekshe sipaty bolyp tabylatyn, halyqtyq parlament sanalatyn Ulttyq Quryltai bul joly ejelgi Atyraý jerinde ótip otyr. Osyndaǵy kóne Saraishyq qalasy Qasym hannyń tusynda Qazaq Ordasynyń astanasy bolǵan. Bul Quryltaida da eldik eleýli máseleler kóterildi.
Quryltaidyń Atyraýda ótýiniń tarihi-tanymdyq jaǵynan mańyzy óte zor. Óitkeni qazirgi kúrdeli geosaiasi jaǵdaida Qazaqstannyń memlekettiligi, bolashaǵy, keleshegi, kún tártibine qoiylyp jatqan kezde Prezidenttiń osyndai tarihi qadamǵa barýy tarihi oqiǵaǵa ainalady.
Sonymen qatar Memleket basshysy óz sózinde bilim men ǵylym máseleriniń mańyzdyǵylyǵyn atap ótti.
El Prezidenti Quryltaidyń kezekti otyrysyn Kókshetaýda ótkizýdi usyndy. Onyń da ózindik sebepteri bar. Sebebi Kókshetaý án men jyrdyń ordasy ǵana emes, Abylai han týyn tikken qasietti Han Ordasy bolǵan meken. Osy jerden qazaqtyń sońǵy hany Kenesary da táýelsizdik úshin atoilap atqa mingen. El Prezidentiniń bul sheshimin rizashylyqpen quptaimyz.
Áleýmettik, mádeni máselelerdi sheshýge Quryltai oń serpin bermek. Biylǵy jiynda bar basymdyq áleýmettik salaǵa bólinedi. Iaǵni, ekonomika ártaraptanyp, ózge eldermen alys-beris, barys-kelis qaita jandana túspek, mádeniet, týrizm salalary qaita túrlenedi. Sarapshylar sondai-aq tarihi sananyń jańǵyrýy men qazaqy qundylyqtardy álemdik brendke ainaldyrý baǵytynda da naqty sheshimder qabyldanady degen senimde.
Qazaqstan Respýblikasy Parlamenti Senatynyń Aqmola oblysynan sailanǵan depýtaty- Áleýmettik jáne ǵylym komitetiniń múshesi
