Osydan bir jyl buryn tanysym úlesti qurylysqa az-maz aqsha salyp, úiin keńeitýge niet qylǵan edi. Ol úiin satyp, jartysyn qurylys kompaniiasyna salǵan bolatyn. Qurylys kompaniiasy úiiniń kiltin jazda tabystaýǵa ýáde bergen-di.
«Áne beremiz, máne beremizben» dep qurylys kompaniiasy úidi bitirimei isti áli sozylyp keledi. Zań boiynsha qurylys kompaniialar úidi úsh toqsanǵa deiin keshiktirýge quqy bar.
Búginde qurylys kompaniialary sol ýaqyttyń bárin paidalanady. Al klietterimen kelisim jasaǵanda qurylysty erte aiaqtaityndaryn aityp qyzyqtyrady.
Sodan keiin qarapaiym halyq turyp jatqan úiin satyp, az ýaqyt páter jyldaýdy jón kóredi. Sońǵy kezderi mundai azamattardyń páter jaldaýy bir jylǵa deiin sozylyp ketip jatyr.
Qurylys kompaniialary úidi keshiktirgen saiyn úlesti qurylysqa aqsha salǵan qarapaiym adamdar páter jaldap, shyǵynǵa batyp jatqany jasyryn emes.
Budan basqa mindetine alǵan jumysty sapasyz atqaryp, taiyp turatyn qurylys kompaniialary da bar.
Aqparat quraldarynan Abai atandaǵy QazUPÝ-ge jóndeý jumystaryn moinyna alǵan qurylys kompaniiasy ózine tapsyrylǵan isti durys atqarmai is, sotqa ulasyp jatqanyn estidik.
Óz jumysyna salǵyrt qaraityn qurylys kompaniialary bildei ýniversitetti osylai áýre-sarsańǵa salyp qoiǵanda qarapaiym halyqqa ne istemeidi deseńizshi.
Sondyqtan qurylys salasyna qatysty zańdy qataityp, erkimen ketken qurylys kompaniialaryn jónge salatyn kez kelgen siiaqty.
Nurlan JUMAHAN
