وسىدان ءبىر جىل بۇرىن تانىسىم ۇلەستى قۇرىلىسقا از-ماز اقشا سالىپ، ءۇيىن كەڭەيتۋگە نيەت قىلعان ەدى. ول ءۇيىن ساتىپ، جارتىسىن قۇرىلىس كومپانياسىنا سالعان بولاتىن. قۇرىلىس كومپانياسى ءۇيىنىڭ كىلتىن جازدا تابىستاۋعا ۋادە بەرگەن-دى.
«انە بەرەمىز، مانە بەرەمىزبەن» دەپ قۇرىلىس كومپانياسى ءۇيدى بىتىرىمەي ءىستى ءالى سوزىلىپ كەلەدى. زاڭ بويىنشا قۇرىلىس كومپانيالار ءۇيدى ءۇش توقسانعا دەيىن كەشىكتىرۋگە قۇقى بار.
بۇگىندە قۇرىلىس كومپانيالارى سول ۋاقىتتىڭ ءبارىن پايدالانادى. ال كليەتتەرىمەن كەلىسىم جاساعاندا قۇرىلىستى ەرتە اياقتايتىندارىن ايتىپ قىزىقتىرادى.
سودان كەيىن قاراپايىم حالىق تۇرىپ جاتقان ءۇيىن ساتىپ، از ۋاقىت پاتەر جىلداۋدى ءجون كورەدى. سوڭعى كەزدەرى مۇنداي ازاماتتاردىڭ پاتەر جالداۋى ءبىر جىلعا دەيىن سوزىلىپ كەتىپ جاتىر.
قۇرىلىس كومپانيالارى ءۇيدى كەشىكتىرگەن سايىن ۇلەستى قۇرىلىسقا اقشا سالعان قاراپايىم ادامدار پاتەر جالداپ، شىعىنعا باتىپ جاتقانى جاسىرىن ەمەس.
بۇدان باسقا مىندەتىنە العان جۇمىستى ساپاسىز اتقارىپ، تايىپ تۇراتىن قۇرىلىس كومپانيالارى دا بار.
اقپارات قۇرالدارىنان اباي اتانداعى قازۇپۋ-گە جوندەۋ جۇمىستارىن موينىنا العان قۇرىلىس كومپانياسى وزىنە تاپسىرىلعان ءىستى دۇرىس اتقارماي ءىس، سوتقا ۇلاسىپ جاتقانىن ەستىدىك.
ءوز جۇمىسىنا سالعىرت قارايتىن قۇرىلىس كومپانيالارى بىلدەي ۋنيۆەرسيتەتتى وسىلاي اۋرە-سارساڭعا سالىپ قويعاندا قاراپايىم حالىققا نە ىستەمەيدى دەسەڭىزشى.
سوندىقتان قۇرىلىس سالاسىنا قاتىستى زاڭدى قاتايتىپ، ەركىمەن كەتكەن قۇرىلىس كومپانيالارىن جونگە سالاتىن كەز كەلگەن سياقتى.
نۇرلان جۇماحان
