«Qupiiany aityp qoiǵan». Ulttyq qaýipsizdik komitetiniń eks-tóraǵasy ustaldy (video)
Bul týraly QR UQK ókilderine silteme jasap Tengrinews.kz habarlaidy.
Qazaqstan Respýblikasynyń Ulttyq qaýipsizdik komiteti memlekettik organdardyń birqatar laýazymdyq tulǵalaryna qatysty sotqa deiingi tergep-tekserý jumystaryn júzege asyrýda.
«Júrgizilgen jedel izdestirý is-sharalary barysynda 2016 jyldyń 26 jeltoqsanynda Qazaqstan Respýblikasynyń Qylmystyq kodeksi 185-babynyń 3-bóliminde («Memlekettik qupiialardy jariia etý») jáne 362-babynyń 3-bóliminde («Bilikti nemese laýazymdyq ókilettikterdi asyra paidalaný») kózdelgen qylmystardy jasaýǵa kúdiktiligi boiynsha Dútbaev Nartai Nurtaiuly, Hasen Nurlan Bolatuly jáne Nurtaev Erlan Súiimbaiuly ustaldy», — delingen habarlamada.
Sonymen qatar, osy atalǵan tulǵalardyń Qazaqstan Respýblikasy Qylmystyq-protsestik kodeksiniń 128-babynyń tártibinde UQK ýaqytsha ustaý izoliatoryna qamalǵany habarlandy. Kúdiktiler men olardyń týystarynyń turǵylyqty meken-jaiy boiynsha tintý jumystary júrgizildi, zattai aiǵaqtar tárkilendi. Tergeý jalǵasyp jatyr, onyń barysy men qorytyndysy qosymsha habarlanady eken.
Aita keteiik, Nartai Dútbaev 2001-2006 jyldar aralyǵynda UQK tóraǵasy qyzmetin atqarǵan bolatyn.
https://www.youtube.com/watch?v=zjjP9b21cl8
