Aqmola oblysynda kadastrlyq quny 53,4 mln teńge bolatyn jer ýchaskesi memleket menshigine qaıtaryldy, – dep habarlaıdy Dalanews.kz.
Býrabaı aýdany prokýratýrasynyń bastamasymen Jer resýrstaryn basqarý departamenti "Kıpros" JSHS-niń paıdalanýyndaǵy jer ýchaskesine ıelik etý zańdylyǵyna tekseris júrgizdi. Tekseris barysynda seriktestik 2012 jyldan beri Shýche kóli jaǵalaýynda ornalasqan 3 gektar jer ýchaskesin ıelenip kelgeni anyqtaldy.
"Jer zańnamasynyń talaptaryn buza otyryp, 10 jyldan asa ýaqyt boıy jer ýchaskesi ıgerilmegen, qurylys jumystary bastalmaǵan. 2023 jyly jer paıdalanýshyǵa ýchaskeni ıgerý týraly mindetti nusqama berilgen, alaıda 2024 jyly eshqandaı sharalar qabyldanbaǵan. Tekserý nátıjeleri boıynsha departament sotqa júgindi", - dep jazylǵan habarlamada.
Mamandandyrylǵan aýdanaralyq ekonomıkalyq sottyń sheshimimen kadastrlyq quny 53,4 mln teńge bolatyn jer ýchaskesi memleket menshigine ótti.
