Kaspıı teńiziniń jaǵalaýynda ornalasqan quny 1,1 mlrd teńge bolatyn jer telimi memleket menshigine qaıtaryldy, dep habarlaıdy Dalanews.kz.
Qaraqıa aýdanyndaǵy, Kaspıı teńiziniń jaǵalaýynda ornalasqan quny 1,1 mlrd teńge aýdany 696,8 ga bolatyn 3 ýchaske memleket menshigine qaıtaryldy. Óıtkeni jer telimderi ıgerilmegen.
“Odan bólek, Aqtaý qalasynyń aýmaǵynda zańsyz paıdalanylǵan 61 memlekettik menshigindegi jer telimi anyqtaldy. Sondaı-aq oblys boıynsha 57 sharýa qojalyǵynda aýyl sharýashylyǵy maqsatyndaǵy 44 850 ga jer utymsyz paıdalanylǵan”, - deıdi oblystyq prokýratýra.
Kinálilerdi ákimshilik jaýaptylyqqa tartý jáne jer ýchaskelerin memleket menshigine qaıtarý maqsatynda oblys prokýratýrasymen prokýrorlyq qadaǵalaý aktisi engizildi.
