Jetisý oblysynda memlekettik qyzmetker qumar oiyndarǵa qatysqany úshin qyzmetinen bosatyldy, dep habarlaidy dalanews.kz.
Aqsý aýdany prokýratýrasy sybailas jemqorlyqqa qarsy zańnamanyń saqtalýyna júrgizilgen taldaý barysynda memlekettik qyzmet salasyndaǵy óreskel zań buzýshylyqty anyqtaǵan.
Prokýratýra málimetinshe, memlekettik organ qyzmetkeri zańmen belgilengen tyiymdarǵa qaramastan qumar oiyndarǵa qatysqan.
«Sybailas jemqorlyqqa qarsy shekteýler men ádep normalaryn saqtaý memlekettik qyzmette bolýdyń mindetti sharty. Atalǵan talaptardy kez kelgen buzýshylyq tiisti jaýaptylyqqa jáne ymyrasyz quqyqtyq baǵa berýge ákep soǵady», – dep málimdedi qadaǵalaý organy.
Prokýrorlyq qadaǵalaý aktisin qaraý nátijesinde memlekettik qyzmettiń bedeline nuqsan keltiretin tártiptik teris qylyq jasaǵany úshin qyzmetker atqaryp otyrǵan laýazymynan bosatylǵan.
«Memlekettik qyzmetshi qoǵam aldyndaǵy jaýapkershiligin sezinip, zań talaptaryn múltiksiz saqtaýy tiis», – dep atap ótti Jetisý oblysynyń prokýratýrasy.
Qadaǵalaý organy mundai quqyq buzýshylyqtardyń aldyn alý jumystary jalǵasatynyn málimdedi.
