Qulsary qalasynyń turǵyndary jol belgilerin ornatýǵa qatysty birqatar suraq kóterip otyr. Áleýmettik jelilerde taraǵan videolarda qalanyń keibir kóshelerinde jaiaý júrginshi belgileri shamadan tys kóp qoiylǵany baiqalady. Al kólik qozǵalysy qarqyndy júretin keibir ýchaskelerde mundai belgiler jetkiliksiz ekeni aitylǵan, dep habarlaidy dalanews.kz.
Turǵyndardyń sózinshe, qalanyń soltústik jáne ońtústik bóligindegi ainalma joldarda, sondai-aq Jadyrasyn yqshamaýdanynda jaiaý júrginshi belgileri tym kóp ornatylǵan. Qala turǵyny Áli Smenovtiń aitýynsha, kei jerlerde kerisinshe jaiaý júrginshiler ótkeliniń belgileri qajet.
– Kóptegen jerde jol belgileri joq. Mektepter men balabaqshalardyń mańynda bar bolǵanymen, jaiaý júrginshiler jii ótetin basqa da oryndar jeterlik. Biz turǵan jerde keshki ýaqytta, ásirese balalar kóp júredi. Eger Jadyrasyn aýdanyndaǵy belgini alyp tastaǵan bolsa, ony osy jerge ornatqan durys bolar edi, – deidi turǵyn.
Al Jylyoi aýdandyq jolaýshylar kóligi jáne avtomobil joldary bólimi jol belgileri qoldanystaǵy talaptarǵa sáikes qoiylǵanyn málimdedi.
Bólim basshysy Beket Bozjigitovtiń aitýynsha, jol qozǵalysyn uiymdastyrýǵa qatysty barlyq jobalar mindetti saraptamadan ótip, tiisti mamandardyń kelisiminen keiin ǵana bekitiledi.
– Árbir joba ázirlengen kezde mindetti túrde saraptama júrgiziledi. Ol elektrmen jabdyqtaý, gazben qamtý jáne jol infraqurylymy salasyndaǵy mamandardyń qaraýynan ótedi. Sonymen qatar jol belgilerin ornatýǵa jaýapty mamandar jobanyń qoldanystaǵy talaptar men qurylys normalaryna sáikestigin tekseredi. Osydan keiin ǵana qorytyndy beriledi. Atalǵan joba oń qorytyndy alyp, politsiia bólimimen de kelisilgen, – dedi bólim basshysy.
Mekeme ókilderiniń málimetinshe, jaiaý júrginshi belgileri barlyq qiylystarǵa ornatylǵan. Al turǵyndardyń narazylyǵyn týdyrǵan keibir belgilerdi alyp tastap, qalanyń basqa kóshelerine kóshirý josparlanyp otyr.
