Qulsary qalasynyń mobıldik toptary sý tasqynynan zardap shekken úılerdiń zalalyn baǵalaý jáne tehnıkalyq saraptama qorytyndylaryn túsindirý boıynsha jumysty jalǵastyrýda.
Búgin, alty mobıldi top, baǵalaý nátıjelerin tanystyrý jáne túsindirý jumystaryn júrgizý úshin 100-ge jýyq qulsarylyqty qamtıtyn bolady.
Baǵalaý nátıjelerimen tanysqannan keıin, eki kún ótken soń Qulsary turǵyndary memleketten kómek alý úshin Jylyoı aýdanynyń ákimdigine júgine alady.
Jergilikti turǵyn Gúlnur İlıasovanyń aıtýynsha, sý tasqyny kezinde sý deńgeıi onyń úıiniń terezesine deıin jetken.
- Qazir bul úı turýǵa jaramsyz, biz bir sharshy metrge 240 myń somaǵa qanaǵattanamyz. Bul qarajat úıimizdi buzyp, qaıtadan salýǵa jetkilikti, dedi Gúlnur İlıasova.
Tasqynnan zardap shekken turǵyndardyń biri Kúlásh Amanbaıqyzy ózi úshin eń bastysy, memlekettiń qoldaýynsyz qaldyrmaıtyny ekenin aıtty.
- Memleket tarapynan bir sharshy metrge 200-240 myń teńge kóleminde usynylyp otyrǵan soma men úshin jetkilikti. Dál qazirgi jaǵdaıda men úshin eń bastysy - úıimdi salyp alý. Maǵan artyq eshteńe qajet emes, usynylyp otyrǵan ótemaqyǵa rızamyn" dedi Kúlásh Amanbaıqyzy.
Mobıldi toptardyń úı aralap, baǵalaý nátıjelerimen tanystyrý jumystary tasqynnan zardap shekken barlyq úılerdi baǵalaý jumystary tolyq aıaqtalǵanǵa deıin, kún saıyn úzilissiz, demalyssyz jalǵasatyn bolady.
Sonymen qatar, Qulsary qalasyndaǵy № 20 mektep bazasynda úıleri apatty dep tanylǵan turǵyndarmen memorandým jasaý úshin ótinishterdi qabyldaý jalǵasýda.
Memorandým aıasynda turǵyndar zardap shekken turǵyn úı úshin ótemaqy tóleýge baılanysty ózine yńǵaıly amaldaryn tańdaı alady.
Atap aıtqanda, úıdi avarıalyq dep taný kezinde, sondaı-aq, jóndeý-qalpyna keltirý jumystaryn júrgizý úshin zalaldy óteýdiń mynadaı nusqalary kózdelgen:
1. Zardap shekkenderdiń arnaıy nysanaly shottaryna aqsha qarajatyn aýdarý
jańa turǵyn úı satyp alýǵa, turǵyn úı salýǵa nemese jóndeý-qalpyna keltirý jumystaryna;
2. Jergilikti atqarýshy organnyń jobalyq úlgisi boıynsha 3 aı ishinde paıdalanýǵa berý mindettemesimen úı salý.
Atyraý oblysynyń TJ jónindegi jedel shtaby
