قۇلسارى قالاسىنىڭ موبيلدٸك توپتارى سۋ تاسقىنىنان زارداپ شەككەن ٷيلەردٸڭ زالالىن باعالاۋ جەنە تەحنيكالىق ساراپتاما قورىتىندىلارىن تٷسٸندٸرۋ بويىنشا جۇمىستى جالعاستىرۋدا.
بٷگٸن, التى موبيلدٸ توپ, باعالاۋ نەتيجەلەرٸن تانىستىرۋ جەنە تٷسٸندٸرۋ جۇمىستارىن جٷرگٸزۋ ٷشٸن 100-گە جۋىق قۇلسارىلىقتى قامتيتىن بولادى.
باعالاۋ نەتيجەلەرٸمەن تانىسقاننان كەيٸن, ەكٸ كٷن ٶتكەن سوڭ قۇلسارى تۇرعىندارى مەملەكەتتەن كٶمەك الۋ ٷشٸن جىلىوي اۋدانىنىڭ ەكٸمدٸگٸنە جٷگٸنە الادى.
جەرگٸلٸكتٸ تۇرعىن گٷلنۇر ٸليياسوۆانىڭ ايتۋىنشا, سۋ تاسقىنى كەزٸندە سۋ دەڭگەيٸ ونىڭ ٷيٸنٸڭ تەرەزەسٸنە دەيٸن جەتكەن.
- قازٸر بۇل ٷي تۇرۋعا جارامسىز, بٸز بٸر شارشى مەترگە 240 مىڭ سوماعا قاناعاتتانامىز. بۇل قاراجات ٷيٸمٸزدٸ بۇزىپ, قايتادان سالۋعا جەتكٸلٸكتٸ, دەدٸ گٷلنۇر ٸليياسوۆا.
تاسقىننان زارداپ شەككەن تۇرعىنداردىڭ بٸرٸ كٷلەش امانبايقىزى ٶزٸ ٷشٸن ەڭ باستىسى, مەملەكەتتٸڭ قولداۋىنسىز قالدىرمايتىنى ەكەنٸن ايتتى.
- مەملەكەت تاراپىنان بٸر شارشى مەترگە 200-240 مىڭ تەڭگە كٶلەمٸندە ۇسىنىلىپ وتىرعان سوما مەن ٷشٸن جەتكٸلٸكتٸ. دەل قازٸرگٸ جاعدايدا مەن ٷشٸن ەڭ باستىسى - ٷيٸمدٸ سالىپ الۋ. ماعان ارتىق ەشتەڭە قاجەت ەمەس, ۇسىنىلىپ وتىرعان ٶتەماقىعا ريزامىن" دەدٸ كٷلەش امانبايقىزى.
موبيلدٸ توپتاردىڭ ٷي ارالاپ, باعالاۋ نەتيجەلەرٸمەن تانىستىرۋ جۇمىستارى تاسقىننان زارداپ شەككەن بارلىق ٷيلەردٸ باعالاۋ جۇمىستارى تولىق اياقتالعانعا دەيٸن, كٷن سايىن ٷزٸلٸسسٸز, دەمالىسسىز جالعاساتىن بولادى.
سونىمەن قاتار, قۇلسارى قالاسىنداعى № 20 مەكتەپ بازاسىندا ٷيلەرٸ اپاتتى دەپ تانىلعان تۇرعىندارمەن مەموراندۋم جاساۋ ٷشٸن ٶتٸنٸشتەردٸ قابىلداۋ جالعاسۋدا.
مەموراندۋم اياسىندا تۇرعىندار زارداپ شەككەن تۇرعىن ٷي ٷشٸن ٶتەماقى تٶلەۋگە بايلانىستى ٶزٸنە ىڭعايلى امالدارىن تاڭداي الادى.
اتاپ ايتقاندا, ٷيدٸ اۆارييالىق دەپ تانۋ كەزٸندە, سونداي-اق, جٶندەۋ-قالپىنا كەلتٸرۋ جۇمىستارىن جٷرگٸزۋ ٷشٸن زالالدى ٶتەۋدٸڭ مىناداي نۇسقالارى كٶزدەلگەن:
1. زارداپ شەككەندەردٸڭ ارنايى نىسانالى شوتتارىنا اقشا قاراجاتىن اۋدارۋ
جاڭا تۇرعىن ٷي ساتىپ الۋعا, تۇرعىن ٷي سالۋعا نەمەسە جٶندەۋ-قالپىنا كەلتٸرۋ جۇمىستارىنا;
2. جەرگٸلٸكتٸ اتقارۋشى ورگاننىڭ جوبالىق ٷلگٸسٸ بويىنشا 3 اي ٸشٸندە پايدالانۋعا بەرۋ مٸندەتتەمەسٸمەن ٷي سالۋ.
اتىراۋ وبلىسىنىڭ تج جٶنٸندەگٸ جەدەل شتابى
