Atyraý oblysynda qutqarýshy qaza tapty, - dep habarlaidy Dalanews.kz.
Óńirdiń TJD málimetinshe, 29 mamyrda Atyraý oblysy TJD Órt sóndirý jáne avariialyq-qutqarý jumystary qyzmetiniń Atyraý qalasy №1 mamandandyrylǵan órt sóndirý bóliminiń bólimshe komandiri azamattyq qorǵaý serjanty Rakym Beibarys Jalǵasbaiuly Jylyoi aýdanynyń Qulsary qalasynda sý sorý boiynsha avariialyq-qutqarý jumystaryn júrgizý barysynda baqilyq bolǵan.
Qazir oqiǵanyń mán-jaiy anyqtalyp jatyr.
Vedomstvo málimetinshe, Rakym Beibarys 2001 jyly Atyraý qalasynda týǵan. Azamattyq qorǵaý organdarynda 2021 jyldan bastap qyzmet etti. Osy qysqa ýaqyt ishinde birneshe iri, kúrdeli órtterge qatysyp, adam ómirin, múlkin qutqarýda, qorǵaýda bar kúsh-jigerin salyp, halyq alǵysyna da bólengen bolatyn.
"Beibarystyń artynda ata-anasy, baýyrlary men jary qaldy. Otbasyna , týǵan- týystaryna qaiǵyryp kóńil aitamyz. Ol óz isiniń kásibi mamany retinde júregimizde máńgi qalady. Áriptesimizdiń imany salamat bolyp, peiishte nury shalqyǵai", - dep jazylǵan Atyraý oblystyq TJD habarlamasynda.
