Prezident Qasym-Jomart Toqaev Atyraý oblysynyń ákimi Serik Shápkenovpen telefon arqyly sóilesti dep habarlaidy Dalanews.kz.
Aqordanyń málim etkenindei, memleket basshysy óńirdegi sý tasqyny jaǵdaiyn baqylap otyr.
Sý basý qaýpin azaitý boiynsha barlyq sharalar qabyldanyp, baqylaý kúsheitiletdi. Sý tasqynynan zardap shekken azamattarǵa memleket tarapynan kómek kórsetilip, materialdyq shyǵyn óteledi.
Ákim Qasym-Jomart Toqaevpen áńgimesinde oblystyń birde-bir otbasy, birde-bir turǵyny memlekettiń nazarynan tys qalmaitynyn aityp, olarǵa jyly lebizderin bildirip, qoldaý kórsetýdi tapsyrdy.
Aita ketelik, buǵan deiin Atyraý óńiriniń ákimi Serik Shápkenov aimaqtaǵy jaǵdaidyń óte kúrdeli ekenin málimdegen. Qulsarynyń birneshe aýdanyn sý basty. Qazirdiń ózinde 2500-den astam úidi sý basqan. 5000-ǵa jýyq qulsarylyq Mańǵystaý oblysynyń Beineý aýdanyna evakýatsiialandy. Jalpy 12 myńnan astam turǵyn Atyraý, Tengiz jáne Beineýge evakýatsiialanǵan.
