Atyraý oblysynyń Tótenshe jaǵdailar jónindegi jedel shtaby búgin, 2024 jyldyń 23 mamyrynda Qulsary qalasynda sý tasqynynan zardap shekkenderge arnalǵan úilerdiń qurylysy kúzde aiaqtalatynyn málimdedi, dep habarlaidy Dalanews.kz.
Aqparatqa sáikes, qazir qurylys kompaniialary 80 jeke úidiń irgetasyn quiýǵa daiyndyq jumystaryn bastap ketken.
"Qulsary qalasynyń "Bolashaq" shaǵyn aýdanyndaǵy alǵashqy 80 úi "Qazaqstan halqyna" qoǵamdyq qorynyń qarajaty esebinen salynady", - dedi Atyraý oblysynyń TJ jónindegi jedel shtaby.
Atyraý oblysynyń qurylys basqarmasynyń basshysy Nurbergen Qusaiynovtyń aitýynsha, búginde topyraqty tegisteý jumystaryna úsh merdiger uiymnyń 20 arnaiy tehnikasy men 30 jumysshy jumyldyrylǵan.
"Qazirgi ýaqytta irgetas qurylysymen qatar, jańa shaǵyn aýdanǵa jol infraqurylymyn salý jumystary bastaldy. Qalǵan injenerlik kommýnikatsiialar júrgizilip tur", - dedi Nurbergen Qusaiynov.
Atyraý oblysynyń ákimdigimen arada qol qoiylǵan memorandým sheńberinde, jergilikti atqarýshy organ jańa úiler salý úshin jer ýchaskelerin sýǵa ketpeitin qaýipsiz aimaqtardan bólýdi qamtamasyz etýde. Sondai-aq, jergilikti atqarýshy organ qurylys júrgizý merzimi men tehnikalyq talaptardy saqtai otyryp, qurylys jumystarynyń sapasyn baqylaidy.
2024 jyldyń 15 mamyrynda Qulsary qalasynyń turǵyndary Jylyoi aýdany ákimdigine jinaldy. Olarǵa Atyraý oblysynyń ákimi kelip, sý tasqynynan zardap shekkenderge tólenetin tólem mólsheri nege ártúrli ekenin túsindirdi. 22 mamyrda qulsaralyqtar ákimdik aldyndaǵy alańdy bosatqan bolatyn.
