Oligarh Timýr Qulybaevtyń kompaniiasy Almaty ákimdiginen 34 milliard teńge óndirip alǵysy keledi. Bul týraly Májilis depýtaty Baqytjan Bazarbek depýtattyq saýalynda málimdedi, - dep habarlaidy Dalanews.kz.
Depýtattyń sózinshe, talap ál-Farabi atyndaǵy QazUÝ-dyń jerin qaitarý isine bailanysty bolyp otyr. Májilismen depýtattyq saýalyn Bas prokýratýraǵa joldady.
"Sottyń sheshimi boiynsha biznes ortalyq salatyn jerinen aiyrylǵan Timýr Qulybaevtyń firmasy Almaty ákimdigine 34 milliard teńge somasynda shot-faktýra jasady. Sotta utylǵannan keiin kompaniia biznes-ortalyqtyń qurylysyna zańsyz investitsiialaryn óndirip alǵysy keledi", - dedi depýtat Májilis otyrysynda.
Aita keteiik, buǵan deiin Almatydaǵy Qazaq ulttyq ýniversiteti aýmaǵyndaǵy Timýr Qulybaevtyń ieligine ótip ketken jer memleketke qaitarylǵany habarlandy.
Bul týraly Májilis depýtaty, zańger Baqytjan Bazarbek aitty. Depýtattyń sózinshe, QazUÝ-dyń jeri tolyǵymen memlekettik menshikke ótti, tiisti sottyń sheshimi shyqqan.
«…Ádildik oryn aldy. Qulybaevtyń ieligindegi úlken QazUÝ-dyń jeri biznes ortalyqpen birge memlekettik menshikke ótti deýge bolady», — dedi depýtat.
