Almaty prokýratýrasy 13 adamnyń ólimine ákelgen hostelde tergeý jumysy qalai júrip jatqany týraly aitty, dep habarlaidy Dalanews.kz.
2023 jyly 30 qarashada Almaty hostelin sharpyǵan órt búkil Qazaqstandy dúrliktirgen edi. Al qaiǵyly oqiǵa nátijesinde 13 adam qaza tapty.
Atalmysh oqiǵa Qylmystyq kodekstiń 292-baby 3-bóliginde ("Abaisyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý") kórsetilgen qylmystyq quqyq buzýshylyq quramy belgileri boiynsha sotqa deiingi tergep-tekserýdiń biryńǵai tiziliminde tirkelgen bolatyn.
"Atalǵan qylmystyq quqyq buzýshylyqty jasady degen kúdikpen jalǵa alýshy ustalyp, qamaýǵa alyndy. Qazirgi ýaqytta Almaty qalasy prokýratýrasynyń vedomstvoaralyq jedel-tergeý toby istiń mán-jaiyn tolyq, jan-jaqty jáne obektivti zertteý úshin sotqa deiin tergeý júrgizip jatyr. Tergeý qorytyndysy boiynsha zańdy protsessýaldyq sheshim qabyldanady", - dep málimdedi Almaty qalasy prokýrorynyń orynbasary Jandos Ábdibaev.
Sotqa deiingi tergeý barysynda qaza tapqan barlyq 13 adamnyń jeke basy anyqtaldy, olardyń denesi týystaryna berildi. Órtte qaza tapqandardyń tolyq jáne naqty tizimin quzyretti organdar áli jariialamaǵan.
Ákimdiktiń málimetinshe, hostel órt bolardan bir jarym ai buryn ashylǵan. Ǵimarat Halyk Bank-ke kepil múlki retinde tiesili bolǵan jáne bank ony jalǵa berip qoiǵan.
Ózderińiz biletindei, Qazaqstandaǵy eń iri bankke “ALMEKS” holdingi men aktsiialardy nominaldy ustaýshy retinde The Bank of New ielik etedi. Al ALMEKS holdinginiń túpki ieleri – Timýr men Dinara Qulybaevtar. Iaǵni, Qazaqstandaǵy eń iri bank Qulybaevtar otbasynyń qolynda.
