Dinara jáne Timýr Qulybaevtar baii tústi. Olar Altyn bank-tiń iri aktsioneri atandy, - dep habarlaidy Dalanews.kz.
Bul týraly Qarjy naryǵyn retteý jáne damytý agenttegini málimdedi.
Agenttik Basqarmasymen 2024 jylǵy 7 maýsymda qabyldanǵan qaýlylarǵa sáikes:
1) №23 "Timýr Askarovich Kýlibaevqa "Altyn Bank" aktsionerlik qoǵamynyń (China Citic Bank Corporation Limited EB) iri qatysýshysy mártebesin (janama) ielenýge kelisim berý týraly";
2) №24 "Dinara Nýrsýltanovna Kýlibaevaǵa "Altyn Bank" aktsionerlik qoǵamynyń (China Citic Bank Corporation Limited EB) iri qatysýshysy mártebesin (janama) ielenýge kelisim berý týraly";
3) №25 "ALMEKS" Holdingtik toby" aktsionerlik qoǵamyna "Altyn Bank" (China Citic Bank Corporation Limited EB) aktsionerlik qoǵamynyń bank holdingi (janama) mártebesin ielenýine kelisim berý týraly".
Buǵan deiin memleket qairatkeri, eks-ministr Jaqsybek Qulekeev jańa Qazaqstandaǵy kadrlar men Qulybaevtardyń bailyǵyna qatysty pikir bildirgen bolatyn.
Qulekeev Timýr jáne Dinara Qulybaevalardyń jyl saiyn baiýyna qatysty oiyn aitty. Onyń sózinshe, ekeýi de adal baiyp jatyr.
«Qazirgi tańda, iá, olar adal baiyp otyr. Sebebi olardyń iri biznesi kóp. Olar jas kezinen kásippen ainalysa bastady. Olardyń jan-jaǵynda talantty menedjerler kóp. Qazaqstanda kóptegen ónerkásip ashty. Sondyqtan osy jumystardyń bári nátijesin berip otyr. Eger olarǵa jaqsy jaǵdai jasalsa, olar budan da kóp nárse jasar edi. Budan qorqýdyń qajeti joq. Olarǵa Qazaqstannyń ekonomikasyna investitsiia jasaýǵa múmkindik berý kerek. Qazir barlyq jerde «anaý jaman, mynaý jaman» dep aiǵailai beremiz. Sosyn olar Qazaqstan ekonomikasyna investitsiia salý durys pa nemese aqshany syrtqa shyǵaryp, shetelde biznes damytý kerek pe dep oilanyp qalady. Eger olar salyqtaryn tólep, barlyq mindetin oryndap, memleketpen eseptesip qoisa, qalǵan aqshany qalaǵanynsha jumsai alady. Al biz olar Qazaqstan ekonomikasyna investitsiia salsa dep oilaimyz. Olar qalai baiyǵany meni qyzyqtyrmaidy. Men jaǵdaiǵa ekonomist retinde qaraimyn. Eger qazaqstandyq kásipkerde aqsha bolsa oǵan qyzǵanyp qaraýdyń qajeti joq. Kerisinshe olar Qazaqstan ekonomikasyna investitsiia jasaýyna jaǵdai jasaý kerek», - deidi Qulekeev.
Suhbat barysynda Jaqsybek Qulekeev Timýr Qulybaevtyń «Qazmunaigazdaǵy» yqpaly týraly aitty.
