قۇلىبايەۆتار بايي ءتۇستى

كوركەم الدابەرگەنوۆا 11 ماۋ. 2024 09:59 1730

دينارا جانە تيمۋر قۇلىبايەۆتار بايي ءتۇستى. ولار Altyn bankء-تىڭ ءىرى اكسيونەرى اتاندى، - دەپ حابارلايدى Dalanews.kz

بۇل تۋرالى قارجى نارىعىن رەتتەۋ جانە دامىتۋ اگەنتتەگىنى مالىمدەدى. 

اگەنتتىك باسقارماسىمەن 2024 جىلعى 7 ماۋسىمدا قابىلدانعان قاۋلىلارعا سايكەس:

1) №23 "تيمۋر اسكاروۆيچ كۋليبايەۆقا "Altyn Bank" اكسيونەرلىك قوعامىنىڭ (China Citic Bank Corporation Limited ەب) ءىرى قاتىسۋشىسى مارتەبەسىن (جاناما) يەلەنۋگە كەلىسىم بەرۋ تۋرالى"؛

2) №24 "دينارا نۋرسۋلتانوۆنا كۋليبايەۆاعا "Altyn Bank" اكسيونەرلىك قوعامىنىڭ (China Citic Bank Corporation Limited ەب) ءىرى قاتىسۋشىسى مارتەبەسىن (جاناما) يەلەنۋگە كەلىسىم بەرۋ تۋرالى"؛

3) №25 "المەكس" حولدينگتىك توبى" اكسيونەرلىك قوعامىنا "Altyn Bank" (China Citic Bank Corporation Limited ەب) اكسيونەرلىك قوعامىنىڭ بانك حولدينگى (جاناما) مارتەبەسىن يەلەنۋىنە كەلىسىم بەرۋ تۋرالى".

بۇعان دەيىن مەملەكەت قايراتكەرى، ەكس-مينيستر جاقسىبەك قۇلەكەيەۆ جاڭا قازاقستانداعى كادرلار مەن قۇلىبايەۆتاردىڭ بايلىعىنا قاتىستى پىكىر بىلدىرگەن بولاتىن.

قۇلەكەيەۆ تيمۋر جانە دينارا قۇلىبايەۆالاردىڭ جىل سايىن بايۋىنا قاتىستى ويىن ايتتى. ونىڭ سوزىنشە، ەكەۋى دە ادال بايىپ جاتىر.

«قازىرگى تاڭدا، ءيا، ولار ادال بايىپ وتىر. سەبەبى ولاردىڭ ءىرى بيزنەسى كوپ. ولار جاس كەزىنەن كاسىپپەن اينالىسا باستادى. ولاردىڭ جان-جاعىندا تالانتتى مەنەدجەرلەر كوپ. قازاقستاندا كوپتەگەن ونەركاسىپ اشتى. سوندىقتان وسى جۇمىستاردىڭ ءبارى ناتيجەسىن بەرىپ وتىر. ەگەر ولارعا جاقسى جاعداي جاسالسا، ولار بۇدان دا كوپ نارسە جاسار ەدى. بۇدان قورقۋدىڭ قاجەتى جوق. ولارعا قازاقستاننىڭ ەكونوميكاسىنا ينۆەستيسيا جاساۋعا مۇمكىندىك بەرۋ كەرەك. ءقازىر بارلىق جەردە «اناۋ جامان، مىناۋ جامان» دەپ ايعايلاي بەرەمىز. سوسىن ولار قازاقستان ەكونوميكاسىنا ينۆەستيسيا سالۋ دۇرىس پا نەمەسە اقشانى سىرتقا شىعارىپ، شەتەلدە بيزنەس دامىتۋ كەرەك پە دەپ ويلانىپ قالادى. ەگەر ولار سالىقتارىن تولەپ، بارلىق مىندەتىن ورىنداپ، مەملەكەتپەن ەسەپتەسىپ قويسا، قالعان اقشانى قالاعانىنشا جۇمساي الادى. ال ءبىز ولار قازاقستان ەكونوميكاسىنا ينۆەستيسيا سالسا دەپ ويلايمىز. ولار قالاي بايىعانى مەنى قىزىقتىرمايدى. مەن جاعدايعا ەكونوميست رەتىندە قارايمىن. ەگەر قازاقستاندىق كاسىپكەردە اقشا بولسا وعان قىزعانىپ قاراۋدىڭ قاجەتى جوق. كەرىسىنشە ولار قازاقستان ەكونوميكاسىنا ينۆەستيسيا جاساۋىنا جاعداي جاساۋ كەرەك»، - دەيدى قۇلەكەيەۆ.

سۇحبات بارىسىندا جاقسىبەك قۇلەكەيەۆ تيمۋر قۇلىبايەۆتىڭ «قازمۇنايگازداعى» ىقپالى تۋرالى ايتتى.


ۇسىنىلعان
سوڭعى جاڭالىقتار