Áieli Saltanat Núkenovany óltirdi dep aiyptalǵan burynǵy Ulttyq ekonomika ministri Qýandyq Bishimbaevqa qatysty taǵy bir derek belgili boldy, dep habarlaidy Dalanews.kz.
2013 jyly Bishimbaev basqarǵan “Báiterek” holdinginiń burynǵy qyzmetkeri Marat Shynaliev eks-sheneýniktiń qaramaǵynda bolǵan jyldary qandai máselelermen betpe-bet kelgenin baiandap berdi. Ol aiyptalýshymen bir jyldai jumys istegen. Aitýynsha, sol kezeńde-aq Bishimbaevtyń jaǵymsyz minezi men túsiniksiz áreketterin baiqaǵan. Osy tusta eks-qyzmetker 2015 jylǵy oqiǵasyn sóz etti.
“Adamdar ádette burynǵy jumys berýshileri jaily jaqsy pikir aitady nemese jai ǵana únsizdik tanytady. Biraq bul joly jaǵdai basqa.
2015 jyl. Jinalys 15:00-ge josparlanǵan.
Holdingtiń basshylyq quramy aldyn ala jinaldy. Barlyǵy 20-ǵa jýyq adam edi.
15:30, tóraǵa joq.
16:00, áli joq.
Barlyǵy kútip otyrdy. Onyń mundai qylyǵyna kópshiliginiń eti úirenip ketken edi. Sebebi ol jumys barysynda Age of Empires III oiynyn bir-eki saǵattap oinap otyra beretin. (Bul ázil emes)
Saǵat 16:00-den óte apparat basshysy kirip, “Jinalys bolmaidy, tarqai berińder” dep shyǵyp ketti. (Aitpaqshy, ol keiinirek basqa jumys ornynda paramen ustaldy, óte jaǵymsyz adam).
Saǵat 17:00-de bir silteme jiberdi: men konferents-zalǵa kirdim, eshkimdi kórmedim, barlyǵy ketip qalǵanyna ashýlandym.
Kezdesý saǵat 23:00-ge josparlanypty.
Al sol kúni saǵat 23:00-de shyn máninde jinalys boldy. Bir top adam keshke deiin kútti. Sosyn keshke deiin eshqaida alańdamai ári asyǵystyq tanytpai jinalysta otyrdy.
Bul adamnyń psihopatiiasyna qatysty aitylǵan bir ǵana shaǵyn oqiǵa.
Al “Báiterekte” jumys istegen bir jyldyń ishinde mundai jaǵdaidyń birnesheýi oryn aldy.
Sol kezde-aq Bishimbaevqa em alý kerek edi. Al endi tym kesh.
Men úshin ómirdegi uiatty jaǵdai - bul osyndai áreketterge bei-jai qarap, tózimdilik tanytyp, únsiz qalýym dep aitar edim. Sebebi muny memlekettik sektor úshin qalypty jaǵdai dep oilap kelippin. Nelikten bulai bolǵanyn túsinbeimin. Óitkeni olar az mólsherde jalaqy tóledi, al mansaptyq ósý kúmán týdyrdy. Bul jai ǵana osylai bolýy kerek siiaqty kórindi.
Men Bishimbaevpen bir jyl jumys istedim. Ary qarai shydamym jetpedi”, - deidi Shynaliev.
Eske salaiyq, Bishimbaev jemqorlyq jasady degen aiyppen 2018 jyly naýryzda 10 jylǵa túrmege kesilgen bolatyn. Sol kezde onyń múlki tárkilenip, memlekettik qyzmette isteý quqyǵynan ómir boiyna aiyrylǵan edi.
Naqtyraq aitsaq, "Báiterek" holdinginiń eks-basshysy bolǵan kezde kúmán týdyratyn istermen ainalysqany týraly habarlanǵan bolatyn. Tergeý materialdaryna sáikes, Bishimbaev holding direktory retinde Qyzylorda qalasyndaǵy shyny zaýytynyń qurylysyna jaýapty bolǵan kezinde merdigerden iri kólemde para aldy jáne "Báiterek" holdinginen iri kólemde aqsha jymqyrǵan qylmystyq top qurdy degen aiyppen 2017 jyldyń 10 qańtarynda ustalady.
Keiin eks-prezident Nursultan Nazarbaevtyń raqymshylyǵyna ilinip, 2019 jyly qazan aiynda shartty jazamen bostandyqqa shyqty. Ol jemqorlyqqa qarsy naýqan aiasynda qylmystyq qýdalaýǵa ilikken ministr qyzmetindegi alǵashqy "Bolashaq" túlegi boldy.
2018 jyldyń naýryzynda sot eks-ministrdi 10 jylǵa bas bostandyǵynan aiyrady. Al 2019 jyly qyrkúiekte Shymkent qalasy Abai aýdandyq soty Bishimbaevtyń merziminen buryn bosaý týraly ótinishin qanaǵattandyryp, qarashada onyń bostandyqqa shyqqany belgili boldy. Qylmystyq-atqarý júiesi komiteti sheneýniktiń qamaýda bolǵan kezde "jaqsy minez-qulyq" kórsetip, sot taǵaiyndaǵan "aryz-talapty ótegenin" habarlaǵan. Osylaisha eks-ministr óz merziminiń, iaǵni sot taǵaiyndaǵan 10 jyldyń 2 jyl 9 aiyn ǵana túrmede ótep shyqty.
Al ótken jyldyń 9 qarashasynda burynǵy ulttyq ekonomika ministri Qýandyq Bishimbaevtyń elordadaǵy meiramhanalardyń birinde áielin uryp óltirgeni týraly habar qoǵamdy dúr silkindirgen edi.
Bishimbaevqa eki bap boiynsha aiyp taǵyldy: asa qatygezdikpen kisi óltirý (15 jyldan 20 jylǵa deiin nemese ómir boiyna bas bostandyǵynan aiyrý); qinaý (4 jyldan 7 jylǵa deiin bas bostandyǵyn shekteý nemese osy merzimge bas bostandyǵynan aiyrý).
Qýandyq Bishimbaevtyń soty alqabilerdiń qatysýymen ótip jatyr. Barlyǵy 12 alqabi bar, onyń 10-y negizgi, ekeýi qosalqy. Olar 300 úmitkerdiń arasynan tańdaldy.
