"Qazaqstan temir joly" ulttyq kompaniiasy Qytaidyń Memlekettik damý bankinen 180 mln iýan (shamamen 25 million AQSh dollary) kóleminde alǵashqy nesie aldy, dep habarlaidy Dalanews.kz.
Bul qarajat 200 dana lokomotiv satyp alýǵa baǵyttalady. Nesie temirjol tasymaly salasyn jetildirýge kómektespek.
Aita keteiik, byltyr aqpanda Qytaidyń Memlekettik damý banki men Qytaidyń Import-eksport banki birigip, QTJ-men jalpy kólemi 3,56 mlrd iýan bolatyn nesielik kelisim jasasqan edi.
Bul qarjy Qytaidyń CRRC Co., Ltd. kompaniiasynan 200 lokomotiv satyp alýǵa jumsalýǵa tiis.
Qytai tarapynyń aitýynsha, transshekaralyq qarjylandyrý ulttyq valiýta - iýan arqyly júzege asyrylyp jatqandyqtan, aiyrbas baǵamynyń tiimdiligi arqasynda qazaqstandyq tarap úshin shyǵyn azaiyp, qarjylandyrý tetigi anaǵurlym yńǵaily bolmaq.
