QS Graduate Employability Rankings-2022: Abai ýniversiteti reitingte top-501+ qataryna endi
Reitingke 8 Qazaqstandyq JOO qatysqanyna qaramastan, tek úsh ýniversitet (Ál-Farabi atyndaǵy QazUÝ, Abai atyndaǵy QazUPÝ, Býketov atyndaǵy QarMÝ) «QS Graduate Employability Rankings» qorytyndy kestesine engizildi. Abai University - túlekterdiń jumysqa ornalasýy boiynsha osyndai mańyzdy reitingke engen jalǵyz pedagogikalyq joǵary oqý orny ekenin maqtanyshpen aitýǵa bolady.
Reitingke daiyndalý kezinde jumys berýshiler arasyndaǵy qorytyndy nátijeniń 30%, túlekterdiń tabystylyǵyna – 25%, jumys berýshilermen áriptestikke – 25 %, jumys berýshilerdiń kampýsta bolýyna – 10% , jumysqa ornalasýǵa – 10% jaýap beretin ádisteme paidalanyldy. Aita ketý kerek, Abai atyndaǵy QazUPÝ «Jumysqa ornalasqan túlekterdiń úlesi» boiynsha álemde 38 -shi oryndy ielenip, joǵaryda atalǵan eki qazaqstandyq ýniversitetti basyp ozdy. Atap aitqanda, bul kórsetkish bitirgennen keiin 12 ai ishinde tolyq nemese tolyq emes jumyspen qamtylǵan túlekterdiń paiyzyn ólsheidi.
Ýniversitet «Jumys berýshiler men stýdentterdiń ózara is-qimyly», «Jumys berýshilermen áriptestik» kórsetkishteri boiynsha 201+ oryndy, al «Jumys berýshiler arasyndaǵy bedel», «Túlekterdiń tabystylyǵy» kórsetkishteri boiynsha álemde 301+ oryndy alady.
Abai ýniversitetiniń bul reitingtegi ornyqtylyǵy onyń mekteptermen joǵary deńgeidegi tyǵyz bailanysynyń barlyǵy men «Mansap» ortalyǵynyń túlekterdi jumysqa ornalastyrýǵa járdemdesý júiesin jolǵa qoiǵandyǵynyń arqasynda múmkin bolǵanyn atap ótken jón. Osylaisha, bizdiń ýniversitet TMD elderiniń arasynda pedagogikalyq bilimniń kóshbasshysy bolýǵa taǵy bir qadam jaqyndady.
Abai atyndaǵy QazUPÝ ujymyn jańa jetistikterimen quttyqtaimyz!
