Búgin Mádeniet jáne aqparat ministri Aida Balaevanyń Islam yntymaqtastyq uiymy Áielderdi damytý uiymynyń atqarýshy direktory, doktor Afnan ál-Shýaibimen kezdesýi ótti.
Kezdesýde genderlik teńdik máseleleri talqylanyp, otbasylyq jáne genderlik saiasat salasynda tájiribe almasý sóz etildi.
Ministr Qazaqstan kópultty ári kópkonfessiialy memleket bolǵandyqtan, beibitshilik, toleranttylyq jáne kemsitýshilikke jol bermeý saiasatyn ustanatynyn atap ótti.
«Prezident memlekettik saiasattyń basymdyqtarynyń biri sanalatyn genderlik teńdikke qol jetkizýge baǵyttalǵan jumystarǵa udaiy qoldaý kórsetedi jáne oǵan kóp kóńil bóledi. Buǵan mańyzdy dálel retinde genderlik alshaqtyq indeksi boiynsha halyqaralyq reitingte Qazaqstan 2023 jyly 146 eldiń arasynda 62 orynǵa ie bolǵanyn atap ótýge bolady», - dedi Aida Balaeva.
Ministr QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń qyzmetine, sondai-aq otbasylyq jáne genderlik saiasatty zertteý ortalyǵynyń jumysyna toqtaldy. Genderlik saiasat máselelerimen ainalysatyn 500-den astam ÚEU jáne 70-ke jýyq ÚEU-ny biriktiretin áielder kóshbasshylyǵy mektepteriniń ulttyq jelisi mańyzdy ról atqarady. Elimizdiń barlyq óńirinde «Áiel saiasatkerler klýbtary» jáne áielder kásipkerligin damytý ortalyqtary jumys isteidi.
Doktor Afnan ál-Shýaibi elimizdiń otbasylyq-turmystyq zorlyq-zombylyqqa qarsy kúrestegi jetistikterine erekshe toqtalyp, Ortalyq Aziia elderi arasynda Qazaqstan osy salada kóshbasshy orynǵa ie ekenin atap ótti.
Taraptar sondai-aq halyqaralyq alańdardy da qosa alǵanda, Qazaqstan men IYU áielder uiymynyń ózara bailanys perspektivalaryn talqylady. Kezdesý sońynda qatysýshylar áielder quqyǵyn qorǵaýdyń negizgi máseleleri boiynsha yntymaqtastyqty tereńdetýge jáne pikir almasýǵa niet bildirdi.
QR Mádeniet jáne aqparat ministrliginiń baspasóz qyzmeti
