Tanymal ázilkesh, KVN juldyzy Nurlan Qoianbaev budan bylai «Túngi stýdiia» baǵdarlamasyn júrgizbeidi. Bul aqparatty QAZAQSTAN RTRK basqarma tóraǵasy Erlan Qarin rastady.
«Biz qazir 1 naýryzda bastalatyn jańa maýsymǵa daiyndalyp jatyrmyz. Baǵdarlamalardyń birazy jańartylǵan formatta shyǵady. Máselen, "Túngi stýdiia" jobasynda jańa júrgizýshi bolady. Bul aiaqasty qabyldanǵan sheshim emes.
Nurlan Qoianbaev óziniń shyǵarmashylyǵymen ainalysamyn dep sheshti.
Biz muny 2017 jyldyń jazynda talqylaǵan bolatynbyz, ol telearnadan ýaqytsha ketetinin aitty. Sol kezde biz Qoianbaev "Túngi stýdiiany" jyl sońyna deiin júrgizip beredi dep kelistik. Endi atalǵan telejoba jańa formatta shyǵady», - dedi Erlan Qarin.
Onyń aitýynsha,
«Túngi stýdiianyń» jańartylǵan nusqasy kórermenderge unaýy tiis.
Al, onyń jańa júrgizýshisiniń esimi jaqyn ýaqytta belgili bolady.
Erlan Qarin sondai-aq, Qoianbaevtyń telearnadaǵy qyzmetinen de ketkenin málimdedi. QAZAQSTAN arnasynda ol bas prodiýser laýazymyn atqaryp kelgen bolatyn.
Derekkóz: Sn.kz
