Almatyda jasóspirimder arasyndaǵy dástúrli respýblikalyq ústel tennisi týrniri – «Altyn kúz – 2025» aiaqtaldy. Bul jarysqa elimizdiń barlyq óńirinen jáne Ózbekstannan kelgen jas sportshylar qatysyp, ózara myqtyny anyqtady. Alty kúnge sozylǵan saiys barysynda qatysýshylar úsh jas sanatynda – 2010–2012, 2013–2014 jáne 2015 jáne odan kishi toptarynda júldelerdi sarapqa saldy, dep habarlaidy Dalanews.kz.
Qostanai oblysynyń namysyn Kostanai, Rýdnyi jáne Arqalyq qalalarynan kelgen 13 jas sportshy qorǵady. Tartysty ótken kezdesýler nátijesinde oblys sportshylary eki birdei chempiondyq ataqty jeńip aldy. Jasóspirimder arasynda Janiia Bekmuhambetova men Dákir Daniiarov óz sanattarynda úzdik shyǵyp, Qostanai DIýSSh №2 tárbielenýshileriniń mereiin ústem etti.
«Eki chempion – óte joǵary nátije. Qarsylastar myqty boldy, ásirese Ózbekstan quramasy erekshe daiyndyqpen kelgen. Olar sońǵy jyldary ústel tennisin óte qarqyndy damytyp jatyr, halyqaralyq týrnirlerdiń júldegerleri kóp», – dep baǵalady oiyn deńgeiin Qostanai oblysynyń quramasynyń aǵa jattyqtyrýshysy Gaip Daniiarov.
Biyl ózbekstandyq sportshylar shynymen de joǵary sheberlik kórsetti – olar alty finaldyń beseýine shyǵyp, qazaqstandyq jas tennisshilerdiń negizgi básekelesine ainaldy.
Jattyqtyrýshynyń aitýynsha, sońǵy jyldary Qazaqstanda da ústel tennisine qyzyǵýshylyq artyp keledi. Infraqurylymnyń damýy, sport sektsiialarynyń qoljetimdiligi jáne balalarmen júieli ádistemelik jumys óz nátijesin berýde. Bul serpilis sport mektepteriniń turaqty eńbegimen, bapkerlerdiń janashyrlyǵymen jáne memleket pen biznes tarapynan balalar sportyna kórsetilip jatqan qoldaýmen tyǵyz bailanysty. Osyndai ortaq kúsh-jiger nátijesinde jańa sektsiialar ashylyp, balalardyń jarystarǵa qatysý múmkindigi artyp, úlken sportqa jol ashylýda.
Qostanailyq jas sportshylardyń jetistiginde seriktesterdiń róli erekshe. Kóp jyldan beri aimaqtyń iýniorlyq komandasyn damytýǵa Allur qazaqstandyq avtomobil kompaniiasy qoldaý kórsetip keledi: inventar, sporttyq kiim-keshek usynyp, jarystarǵa qatysýyna múmkindik týǵyzýda. Qostanai oblystyq ústel tennisi federatsiiasy da daiyndyq protsesine, jarys saparlaryn uiymdastyrýǵa jáne jasóspirimder baǵytynyń damýyna belsendi atsalysyp otyr.
Gaip Daniiarovtyń aitýynsha, ústel tennisindegi joǵary nátije tek tehnikamen nemese fizikalyq daiyndyqpen shektelmeidi. Emotsiialyq tózimdilik, sheshim qabyldaý jyldamdyǵy jáne naǵyz sporttyq minez-qulyq syndy qasietter de jyldar boiy qalyptasady.
«Biz kún saiyn, aptasyna jeti ret jattyǵamyz. Balalardyń qosymsha dene daiyndyǵy sabaqtary da bar. Kóp eńbektengen sportshy jarysta eń jaqsy nátijeni kórsetedi», – deidi bapker.
«Altyn kúz» týrniri – elimizdegi jasóspirimder arasyndaǵy ústel tennisiniń basty dodalarynyń biri. Ol komandalardyń daiyndyǵyn baǵalap, reitingterdi jańartyp, eń perspektivaly jas sportshylardy anyqtaýǵa múmkindik beredi.
