Qostanaı oblystyq aýrýhanasynda naýqas dárigerge qol kóterdi, dep habarlady Dalanews.kz.

“Kúrdeli operasıany aıaqtaǵannan keıin hırýrg qabyldaý bólimine túsip, kezek tártibimen naýqastardy qabyldaýdy jalǵastyrǵan. Kezekte úshinshi turǵan naýqas agressıvti minez kórsetip, dárigerge soqqy jasaǵan. Saldarynan ol esinen tanyp qaldy”, – delingen medısınalyq mekemeniń baspasóz qyzmeti taratqan resmı aqparatta.

Dáriger aýyr jaǵdaıda jansaqtaý bólimine tústi. Oqıǵa ornyna polısıa qyzmetkerleri kelip, tergeý áreketterin júrgizip jatyr.

“Adam ómirin kún saıyn qutqaratyn jandarǵa jasalǵan mundaı qylmysty qatań aıyptaımyz. Biz ádil tergeý júrgizýdi talap etemiz jáne medısınalyq qyzmetkerlerge qurmetpen qaraýǵa shaqyramyz!” – dedi aýrýhana ókilderi.