Bul týraly qala ákimi Marat Júndibaev habarlady. Qaratomar sý qoımasynan kóp kólemde sý aǵyzylýyna baılanysty, jaǵdaı ýshyqqan.

Turǵyndardy shuǵyl qaýipsiz jerlerge kóshirý qolǵa alyndy. Dorojnık, Sadovod, Mıchýrınes baý-baqsha qonystaryna jáne Kolesnye rády aýdanyna sý jaılaýy múmkin.

«Qostanaı boıynsha shamamen 20 shaqty evakýasıalyq ortalyq ashyq. Keshe 218 adam saıajaılardan evakýasıalandy. Sýdyń shekti mólsheri túnge qaraı kóterilýi múmkin. Sol úshin kúndiz barlyq qaýipsizdik sharalaryn qabyldaý kerek. Táýelsizdik alǵan jyldardan beri sý qoımasy birinshi ret osylaı 100 paıyzǵa tolyp otyr. Sý eki kúnde mıllıard tekshemetrge toldy. Bundaıdy eshkim kútken joq», -dedi ákim.