Qostanaı oblysynda 2022 jyly Amanqaraǵaı orman sharýashylyǵynda bolǵan alapat órtten janyp ketken aǵashtar elektrondy saýda alańynda satylýda, dep habarlaıdy Dalanews.kz.
Saýdaǵa negizinen qaraǵaı men qaıyń aǵashtary qoıylǵan.
Eske sala ketsek, eki jyl buryn bolǵan orman órti Amanqaraǵaıdaǵy 32 myń gektardan astam jerdi kúlge aınaldyrǵan edi.
Alaıda, aımaq basshysy Qumar Aqsaqalovtyń aıtýynsha, órtten keıingi jyly búlingen ormannan aǵash kesý arqyly oblys búdjetine 1 mıllıard teńgeden astam tabys túsken.
Ákim bul qarjy tolyǵymen órt sóndirý tehnıkalary, traktorlar men basqa da qajetti qural-jabdyqtardy satyp alýǵa jumsalatynyn málimdegen bolatyn.
