QR Bas prokýratýrasy kórineý kámeletke tolmaǵanǵa qatysty seksýaldyq sıpattaǵy zorlyq-zombylyq áreketterin jasaǵany úshin qylmystyq jaýaptylyqqa tartý maqsatynda Qazaqstan azamatyn Reseı Federasıasynan ekstradısıalady, dep habarlaıdy Dalanews.kz.
Aıta ketsek, qaskúnem 2024 jyldyń qarashasynda Qostanaı oblysynda ata-anasymen dostyq qarym-qatynastaǵy jasóspirimniń páterine kelgen. Jábirlenýshimen ekeýi jalǵyz qalǵanda, onyń jasy men psıhıkalyq aýrýy týraly bile tura, er adam oǵan qatysty jynystyq sıpattaǵy zorlyq-zombylyq jasaǵan.
"Osy qylmysty jasaǵannan keıin kúdikti Qazaqstan aýmaǵynan shyǵyp ketip, osyǵan baılanysty halyqaralyq izdestirýge jarıalandy. Ótken jyly ol Reseı Federasıasynyń Chelábi oblysynda ustalyp, Bas prokýratýranyń suraýy boıynsha Qazaqstanǵa ekstradısıalandy. Qazirgi ýaqytta kúdikti tergeý ızolátoryna qamaldy", delingen Bas prokýratýra habarlamasynda.
Aıyptalǵan is-áreketi úshin ol belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyryla otyryp, 15 jyldan 17 jylǵa deıingi merzimge bas bostandyǵynan aıyrylýy múmkin.
