ق ر باس پروكۋراتۋراسى كورىنەۋ كامەلەتكە تولماعانعا قاتىستى سەكسۋالدىق سيپاتتاعى زورلىق-زومبىلىق ارەكەتتەرىن جاساعانى ءۇشىن قىلمىستىق جاۋاپتىلىققا تارتۋ ماقساتىندا قازاقستان ازاماتىن رەسەي فەدەراسياسىنان ەكستراديسيالادى، دەپ حابارلايدى Dalanews.kz.
ايتا كەتسەك، قاسكۇنەم 2024 جىلدىڭ قاراشاسىندا قوستاناي وبلىسىندا اتا-اناسىمەن دوستىق قارىم-قاتىناستاعى ءجاسوسپىرىمنىڭ پاتەرىنە كەلگەن. جابىرلەنۋشىمەن ەكەۋى جالعىز قالعاندا، ونىڭ جاسى مەن پسيحيكالىق اۋرۋى تۋرالى بىلە تۇرا، ەر ادام وعان قاتىستى جىنىستىق سيپاتتاعى زورلىق-زومبىلىق جاساعان.
"وسى قىلمىستى جاساعاننان كەيىن كۇدىكتى قازاقستان اۋماعىنان شىعىپ كەتىپ، وسىعان بايلانىستى حالىقارالىق ىزدەستىرۋگە جاريالاندى. وتكەن جىلى ول رەسەي فەدەراسياسىنىڭ چەليابى وبلىسىندا ۇستالىپ، باس پروكۋراتۋرانىڭ سۇراۋى بويىنشا قازاقستانعا ەكستراديسيالاندى. قازىرگى ۋاقىتتا كۇدىكتى تەرگەۋ يزولياتورىنا قامالدى"، دەلىنگەن باس پروكۋراتۋرا حابارلاماسىندا.
ايىپتالعان ىس-ارەكەتى ءۇشىن ول بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرىلا وتىرىپ، 15 جىلدان 17 جىلعا دەيىنگى مەرزىمگە باس بوستاندىعىنان ايىرىلۋى مۇمكىن.
