Qostanai oblysy únemshildikti qolǵa aldy
«2015 jyldy Qostanai oblysy jaqsy kórsetkishtermen aiaqtady. Sonyń ishinde, respýblikalyq jáne jergilikti biýdjet boiynsha barlyq mejelerdi oryndadyq. Jalpy, jyldyń sońynda oblys 4,5 mlrd. teńge qarjyny qysqartty. Iaǵni, oblysymyzda ońtailandyrý jumystary júrgizildi. Biraq, oblysymyzdyń keibir qalalarynda, mysaly, Rýdnyi, Qostanai qalasynda qiyndyqtar boldy. Degenmen, eń basty másele - áleýmettik tólemder tólenip otyrdy», - degen ákim oblys basshylyǵynyń basty maqsaty - halyqty áleýmettik tólemdermen qamtamasyz etý ekenin atap ótti .
«2016 jyldy da ońtailandyrýdan bastap otyrmyz. Kóptegen shyǵyndardy qysqartyp jatyrmyz, sonyń ishinde, mádeniet salasyndaǵy sharalardy, resmi sharalardy qysqartyp jatyrmyz. Biyl oblystyq biýdjette qiyndyqtar bolady, sonyń ishinde, salyq salasyn nyǵaitýymyz kerek. Kóptegen rezervterdi anyqtap otyrmyz. Mysaly, ótken jyly jarnama ornalastyrý boiynsha biz shaǵyn jáne orta bizneste biraz zań buzýshylyqty anyqtadyq. Jer máselesi boiynsha da problemalar bar, jerlerdi óziniń tiisti maqsatyna paidalanbai jatqan kásipkerlerdi de anyqtadyq. Bul baǵytta da aiyppuldar salamyz», - dedi ákimi.
A.Muhambetov oblys qurylymynda, jol politsiiasy men ádilet basqarmasynyń arasyndaǵy qarym-qatynasty nyǵaitýǵa kóńil bólinip jatqanyn atap ótti. «Bul salalardyń basshylyǵyna tapsyrma bergenmin. 2016 jyldyń qorytyndysy boiynsha, berilgen tapsyrmalardy oryndap, áleýmettik tólemderdi ýaqytynda tóleimiz degen maqsat bar», - dep atap ótti ákim.
