Qostanai asyl tuqymdy jylqysy - Qazaqstannyń igiligi men brendi
Qazir Qostanai ákimdigimen birlesip at klýbyn salý, Qostanai jylqy tuqymyn saqtaý, sondai-aq ippodrom men jabyq manej salý úshin Qostanai mańynda 10 gektarǵa deiingi jer ýchaskesin bólý jáne resimdeý boiynsha jumystar júrgizilýde. Úsh aidan beri biz shtat-adamdar tobyn qurdyq, sporttyq jylqy sharýashylyǵynyń biliktiligine sáikes Qazaqstan boiynsha Qostanai tuqymdy jylqylardyń genotipteri men qanyna kúndelikti taldaý júrgizilip otyr.
Kásiporynnyń missiiasy – halyqaralyq tizimdegi jalǵyz otandyq Qostanai jylqy tuqymyn saqtaý, asyl tuqymdy aiǵyrlar men bielerdi shyǵarý, asyl tuqymdy iadro-tek qoryn qura otyryp, asyl tuqymdy synaqtarǵa qatysýǵa, halyqaralyq deńgeige shyǵyp, ǵylymi – selektsiialyq jumystardy júrgizýge qol jetkizý.
Jylqy sharýashylyǵynyń maqsaty – jylqy ósirýshilerdiń, jattyqtyrýshylar men bereitorlardyń biliktilik deńgeiin arttyrý; jas jylqynyń durys daiyndyǵyn nasihattaý, sondai-aq Qostanai tuqymdy jylqylardy at sportynda paidalanýdy nasihattaý, jylqylar men aiǵyrlardy baptap, ósirýshilerdi jumys qabilettiligi boiynsha baǵalaý, sporttyq sheberlik deńgeiin arttyrý, úzdik shabandozdar men selektsionerlerdi jyl saiyn yntalandyrý bolmaq.
Búgingi tańda Qostanailyq jylqy tuqymynyń 50 basyn jylqysy satyp alynyp, osy jylqynyń tek qoryn 400 basqa deiin ulǵaitýmen jumys júrgizilmek.
Sharýashylyqtyń aýdany men kólemi, mal basy eseptilinip, jemshóp bazasy quryldy. Sondai-aq at ábzelderi daiyndalyp, dári-dármekter qory jasaqtalyp, veterinarlyq emhana ashylmaq.
Qostanai asyl tuqymdy jylqy sharýashylyǵyn jandandyrý úshin aldaǵy ýaqytta jylqylarǵa arnalǵan mamandandyrylǵan veterinarlyq klinikanyń qurylysyn Frantsiia men Polsha mamandary jasamaq.
Jylqy sharýashylyǵynyń negizgi baǵyty – olimpiadalyq túr – konkýr, klassikalyq – galop, Ulttyq, sonyń ishinde Uly dala joryǵy marafonynyń baǵyty, halyqaralyq júgiristerge qatysý úshin litsenziia alý, ippotrerapiia.
Máselen, qazirdiń ózinde Qostanai tuqymdy jylqylardy kútip-baǵý jospary jasaldy. Osy jospar aiasynda Qostanai tuqymyn saqtaý qory quryldy. Endi jylqy sharýashylyǵy institýtyn qurý, kadrlar daiarlaý (at taǵalaýshylar, jattyqtyrýshylar, shabandozdar) máselesi tur.
Sondai-aq, Qostanai tuqymy aiǵyrlarynyń tuqym bankin qurý maqsatynda asyl tuqymdy aiǵyrlardyń tuqymyn biotehnologiia jáne kriokonservatsiialaý jáne qoldan uryqtandyrý zerthanalaryn qurý da kezek kúttirmes is.
Al respýblikalyq jarystarǵa qatysý jáne tuqym ataǵyn qalpyna keltirý úshin jylqylardyń jumysqa qabilettiligin arttyrýdy qalpyna keltirý jumystary «Etnosport» qaýymdastyǵymen jáne jylqy tuqymy zaýyty boiynsha respýblikalyq palatamen jumys júrgiziledi.
