Qostanai oblysynda Tobyl ózeninen joǵalǵan eki adamnyń súiegi tabyldy, dep habarlaidy dalanews.kz.
Tobyl ózeninde júrgizilgen izdestirý-qutqarý jumystary aiaqtaldy. Qutqarýshylar sýǵa ketken bala men er adamnyń súiegin tapty.
Oqiǵa 14 maýsymda Qostanai aýdanyna qarasty Altyn Dala aýyly mańynda bolǵan. Aldyn ala málimet boiynsha otbasy ózen jaǵasynda demalyp otyrǵan kezde 2020 jyly týǵan bala sý jaǵasynda oinap júrip, qatty aǵysqa túsip ketken. Nemeresin qutqarýǵa umtylǵan atasy da aǵysqa qarsy tura almai, ekeýi sýdyń aǵynymen ketip qalǵan.
Tótenshe jaǵdailar departamenti málimetinshe, 16 maýsymda jedel qutqarý jasaǵynyń qyzmetkerleri balanyń súiegin tapqan.
Izdestirý jumystaryna TJD qyzmetkerleri, politsiia, jedel járdem mamandary, jergilikti atqarýshy organdardyń ókilderi, sondai-aq, "10 region", "Bars", "Dos" eriktiler uiymdary men jergilikti turǵyndar qatysqan.
