Qosshyda horeografıa sabaǵy barysynda 10 jastaǵy mektep oqýshysy qaıtys boldy, dep habarlaıdy Dalanews.kz.
Oblystyq densaýlyq saqtaý basqarmasynyń málimetinshe, jedel járdemge alǵashqy qońyraý 29 qańtar kúni saǵat 16:18-de túsken. Shaqyrtýǵa balanyń basynyń aýyrýy men júrek aınýy sebep bolǵan. Dárigerlerdiń aıtýynsha, bastapqyda ómirine tikeleı qaýip tóndiretin aıqyn belgiler bolmaǵandyqtan, tórtinshi sanattaǵy deńgeı berilgen.
Alaıda kóp uzamaı balanyń jaǵdaıy kúrt nasharlaǵan. Oqıǵa ornyna jetken jedel járdem brıgadasy dereý reanımasıalyq sharalardy bastaǵanymen, oqýshyny aman alyp qalý múmkin bolmaǵan.
Vedomstvonyń habarlaýynsha, anasynyń aıtýyna qaraǵanda, bala demikpemen aýyrǵan. Alǵashqy tekserý nátıjeleri boıynsha, jedel járdem brıgadasy kelgenge deıin bıologıalyq ólim tirkelgen.
Aqmola oblysynyń polısıa departamenti atalǵan derek boıynsha ólim faktisin tirkep, oqıǵanyń mán-jaıyn anyqtap jatqanyn málimdedi. Keıingi prosesýaldyq sheshim saraptama qorytyndylary shyqqannan keıin qabyldanady.
