Almatynyń Bostandyq aýdanynda ornalasqan kafe memlekettik aýktsionda satylmai qaldy. Buǵan deiin nysan qylmystyq toptyń jetekshisi retinde sottalǵan Eldos Qospaevtyń jaqyn serikteriniń biri Erlan Imashevqa tiesili bolǵan, dep habarlaidy dalanews.kz.
Za nami ýje vyehali telegram arnasynyń málimetinshe, nysandy Almaty qalasynyń Memlekettik múlik jáne jekeshelendirý departamenti saýdaǵa shyǵarǵan. Baǵalaýshylar kafeniń bastapqy qunyn 264,3 mln teńge dep belgiledi.
Aita keteiik, Erlan Imashev bul ǵimaratty 2021 jyldyń shildesinde "ATFBankten" 40 mln teńgege satyp alǵan. Bul - qazirgi baǵalaý qunynan 6,6 ese tómen. Arada bir jyl ótkende quqyq qorǵaý organdary Qospaevtyń qylmystyq tobyna qatysty tergeý jumystaryn bastaǵan.
Aýmaǵy 258 sharshy metr bolatyn kafe búginde jumys istemeidi. Ǵimarattyń kirpish qaptamasy úgitilip, qaraýsyz qalǵan zalda ydys-aiaq shashylyp jatyr. Baǵalaýshynyń qorytyndysynda nysannyń ishki bóligine jóndeý júrgizý qajet ekeni kórsetilgen.
Sot deregine sáikes, 2019 jyly Qospaev pen onyń sybailastary Profit Trade Ltd kompaniiasynyń ielerin kásiporyndaǵy 40 paiyzdyq úlesin Imashevqa berýge májbúrlegen.
Keiin Imashev Qospaev jáne Shalinmen birge shetelge qashqan. 2023 jyldyń qyrkúieginde úsheýi Soltústik Kiprden Qazaqstanǵa jetkizildi.
