Tusaýkeser saltanatyna qatysqan aimaq basshysy Janseiit Túimebaev shymkenttikterdi jańa demalys aimaǵynyń ashylýymen quttyqtap, bolashaqta júzege asatyn jobalarmen tanystyrdy.
– Shahardyń shyraiyn asha túsetin Qoshqar ata jaǵalaýy – qala turǵyndarynyń súiikti ornyna ainalyp, múldem jańa keiipke enetin bolady. Óitkeni, aldaǵy ýaqytta Qoshqar ata ózeni boiynda kóp qabatty turǵyn úilerdiń qurylysy júrgizilip, Qarasý jáne Qoshqar-ata ózenderiniń boiy tolyq abattandyrylady. Jalpy "Eski qala» jobasy boiynsha Qoshqar ata ózeniniń jaǵalaýy demalys jáne qorǵaý aimaǵy bolyp qarastyrylǵan. Bul mań – Megapolis atanǵan qalanyń tańdaýly, kórikti jerleriniń birine ainalmaq, – dedi Janseiit Qanseiituly.
Jańa kelbetke engen jaǵalaýdyń ashylý rásimine kelgen qonaqtar, demalys aimaǵyn aralap, dán riza bolysty. Qazir onda jaryqsham men oryndyqtar, rotondar ornatylyp, túrli aǵashtar egilgen.
Búgingi tańda demalys aimaǵyn tolyq aiaqtaý úshin memleket muqtajyna alynatyn turǵyn úiler men jer telimderine óteamaqy tóleý úshin qarjy bólinip, tiisti jumystar atqarylýda.
