تۇساۋكەسەر سالتاناتىنا قاتىسقان ايماق باسشىسى جانسەيٸت تٷيمەباەۆ شىمكەنتتٸكتەردٸ جاڭا دەمالىس ايماعىنىڭ اشىلۋىمەن قۇتتىقتاپ, بولاشاقتا جٷزەگە اساتىن جوبالارمەن تانىستىردى.
– شاھاردىڭ شىرايىن اشا تٷسەتٸن قوشقار اتا جاعالاۋى – قالا تۇرعىندارىنىڭ سٷيٸكتٸ ورنىنا اينالىپ, مٷلدەم جاڭا كەيٸپكە ەنەتٸن بولادى. ٶيتكەنٸ, الداعى ۋاقىتتا قوشقار اتا ٶزەنٸ بويىندا كٶپ قاباتتى تۇرعىن ٷيلەردٸڭ قۇرىلىسى جٷرگٸزٸلٸپ, قاراسۋ جەنە قوشقار-اتا ٶزەندەرٸنٸڭ بويى تولىق اباتتاندىرىلادى. جالپى "ەسكٸ قالا» جوباسى بويىنشا قوشقار اتا ٶزەنٸنٸڭ جاعالاۋى دەمالىس جەنە قورعاۋ ايماعى بولىپ قاراستىرىلعان. بۇل ماڭ – مەگاپوليس اتانعان قالانىڭ تاڭداۋلى, كٶرٸكتٸ جەرلەرٸنٸڭ بٸرٸنە اينالماق, – دەدٸ جانسەيٸت قانسەيٸتۇلى.
جاڭا كەلبەتكە ەنگەن جاعالاۋدىڭ اشىلۋ رەسٸمٸنە كەلگەن قوناقتار, دەمالىس ايماعىن ارالاپ, دەن ريزا بولىستى. قازٸر وندا جارىقشام مەن ورىندىقتار, روتوندار ورناتىلىپ, تٷرلٸ اعاشتار ەگٸلگەن.
بٷگٸنگٸ تاڭدا دەمالىس ايماعىن تولىق اياقتاۋ ٷشٸن مەملەكەت مۇقتاجىنا الىناتىن تۇرعىن ٷيلەر مەن جەر تەلٸمدەرٸنە ٶتەاماقى تٶلەۋ ٷشٸن قارجى بٶلٸنٸپ, تيٸستٸ جۇمىستار اتقارىلۋدا.
