Reseidiń Ýkrainaǵa jasaǵan basqynshylyq soǵysy Kremldi sanktsiialardyń qursaýynda qaldyryp, izgoi elge ainaldyrdy. Osydan keiin Qazaqstan Reseidi ainalyp ótetin jańa baǵyttardy damytýǵa árekettene bastaǵan bolatyn, – dep habarlaidy Dalanews.kz.
Kúni keshe ǵana saitymyzda EýroOdaq elderiniń áleýetti investorlary elimizdegi áýejailar men Aqtaý jáne Quryq portyna investitsiia quiýǵa kiriskenin jazǵan edik.
Endi mine, EýroOdaq Transkaspii dálizin damytýǵa 10 mlrd eýro quiýǵa yqylas tanytyp otyrǵany jaiyndaǵy aqjoltai habar jetti.
EýroOdaq Briýsselde ótip jatqan Ortalyq Aziia elderimen aradaǵy kólik-logistika máselesine arnalǵan forýmda EýroOdaq pen Qytaidy jalǵaityn Transkaspii dálizine 10 mlrd eýro investitsiia quiýǵa daiyn.
EýroOdaq ókilderi Kaspii teńizi arqyly Qytaimen aradaǵy saýda-ekonomikalyq bailanysty qysqa ýaqytta qaita qalypqa keltirýge múddeli bolyp otyr.
Osylaisha EýroOdaq elderi Aziia men Eýropany bailanystyrýda Transkaspii baǵytyn qolaily dep tapqan. Al Resei men Kavkaz jaǵalaýy men Túrkiia baǵytynan tolyqtai bas tartty desek bolady.
Jaqyn ýaqytta quny 2,97 mlrd eýro bolatyn alǵashqy eki nesielik transhty Eýropa investitsiialyq banki men Eýropa qaita qurý jáne damý banki arqyly bólinetin bolady. Bul qatysty EýroOdaq pen Qazaqstan, Ózbekstan jáne Qyrǵyzstan tiisti memorandýmǵa qol qoiǵan.
Birinshi kezekte 1,47 mlrd eýro bóletin ýaǵdalastyq daiyn.
Óz kezeginde QR Kólik ministrligi EýroOdaq Qazaqstannyń Aqtaý jáne Quryq portyn halyqaralyq port-logistikalyq júiesine qosýǵa qatysatynyn alǵa tartty.
Budan basqa EýroOdaq elimizdiń kólik joldary men azamattyq aviatsiia salasyn da damytýǵa da óz úlesterin qosady.
Osylaisha Ortalyq Aziia elderi Reseiden bir taban bolsa da alystai tústi. Bul jaǵdai óz kezeginde Reseige unamasy anyq. Aldaǵy ýaqytta Tina siiaqty propagandister Qazaqstan bastaǵan Kindik Aziia elderine syn sadaǵan baǵyttap, aqylǵa syimaityn áńgime aitýy ábden múmkin.
