Qosh bol, Almatynyń tramvaiy!
Toraiǵyrov jáne Kablýkov kóshelerinde uzyndyǵy 3,7 shaqyrym bolatyn velosiped joly salynyp, ainalasy abattandyrylady. Shevchenko, Qonaev, Ótepov kóshelerindegi 7,5 shaqyrym jerdegi tramvai relsteri alynady. Bul ýchaskelerge de ortasha jóndeý jumystary júrgiziledi, bordiýrler rettelip, aryq jaǵalaýlary, beket núkteleri, velosiped joldary kóriktendiriledi.
«Qazirgi kezde Baitursynov kóshesi, Timiriazev kóshesinen Abai dańǵylyna deiingi aimaq qaita jasalyp, velosiped joldary retke keltirilýde, Jandosov kóshesi, Saiyn kóshesinen Taýsamaly eldi mekenine deiingi uzyndyǵy 2,08 shaqyrym jolǵa kúrdeli jóndeý jumystary júrýde. Jalpy, joldardy jóndeý jobasynda kólik qozǵalysy bólikterin 4 jolaqqa deiin keńeitý, «Qarǵaly» ózeni arqyly ótetin kópirdi qaita jasaý, uzyndyǵy 2 shaqyrym bolatyn velojoldar men uzyndyǵy 4 shaqyrym bolatyn trotýarlardy abattandyrý da qarastyrylǵan», – delingen ákimdik saitynda.
Jaqyn kúnderi Alataý aýdanyndaǵy Alǵabas jáne Aqbulaq yqsham aýdandarynda uzyndyǵy 10,9 shaqyrym bolatyn joldyń, al Naýryzbai aýdanyndaǵy Qalqaman jáne Alty Alash eldi mekenderinde uzyndyǵy 17,3 shaqyrym bolatyn joldardyń qurylystary bastalady. Jalpy, Almatyda joldarǵa júrgiziletin qurylys-jóndeý jumystaryna jergilikti biýdjetten 9,5 milliard teńge bólingen.
Derekkózi: kaz.tengrinews.kz
