Memleket basshysy Qasym-Jomart Toqaev pen Resei Federatsiiasynyń Prezidenti Vladimir Pýtin F.M.Dostoevskii atyndaǵy Omby memlekettik ýniversitetiniń bazasynda Ál-Farabi atyndaǵy Qazaq ulttyq ýniversitetiniń filialyn resmi túrde ashty. Bul tarihi oqiǵa Resei Prezidenti Vladimir Pýtinniń Qazaqstanǵa jasaǵan memlekettik sapary aiasynda júzege asty, – dep habarlaidy Dalanews.kz.
Saltanatty sharaǵa QR ǵylym jáne joǵary bilim ministri Saiasat Nurbek, RF ǵylym jáne joǵary bilim ministriniń orynbasary Konstantin Mogilevskii, QazUÝ-dyń Basqarma Tóraǵasy – Rektor Janseiit Túimebaev pen OmMÝ rektory Sergei Zamiatin qatysty.
QR Prezidenti Qasym-Jomart Toqaev Ǵylym jáne tehnologiialar jónindegi ulttyq keńestiń otyrysynda: «Elimizdiń jetekshi joǵary oqý oryndary men sheteldik ýniversitetterdiń filialdary ekonomikamyzdyń basym salalary úshin ǵalymdar men bilikti mamandardy jedel daiarlaýǵa tiis», – dep atap ótken bolatyn.
Is-sharada Saiasat Nurbek pen Konstantin Mogilevskii sóz sóiledi. «Asa qurmetti Qasym-Jomart Kemeluly, asa qurmetti Vladimir Vladimirovich! Fedor Dostoevskii atyndaǵy Omby memlekettik ýniversitetinde Ál-Farabi atyndaǵy Qazaq ulttyq ýniversitetiniń filialyn qurý jumystary pysyqtaldy. Filial ashýǵa daiyn», – dedi.
Reseidegi tuńǵysh ashylǵan qazaqstandyq joǵary oqý ornynyń filialy talapkerlerdi 2025 jyldyń qyrkúieginde qabyldaidy. Qazaqstan men Resei úkimeti stýdentterdi oqytý úshin arnaiy 200 grant bóldi.
QazUÝ filialy «Halyqaralyq quqyq», «Qazaq filologiiasy» jáne «Keden isi» siiaqty bilim berý baǵdarlamalary boiynsha bakalavrlar men magistranttardy daiarlaidy. Bolashaqta qosdiplomdy bilim berý baǵdarlamasy júzege asyrylmaq.
Jańadan ashylǵan filialda bilim alýshy jastardy qos ýniversitettiń oqytýshylary oqytady. Dárister qazaq, orys, aǵylshyn tilderinde júrgiziledi. Bolashaqta sheteldik ǵalymdardy tartý kózdelip otyr.
Ál-Farabi atyndaǵy Qazaq ulttyq ýniversitetiniń jańa filialy Frýnze kóshesiniń boiyndaǵy OmMÝ bas ǵimaratynyń 6-qabatynda ornalasqan. Jalpy aýmaǵy – 1620 sharshy metr. Qazirgi ýaqytta filialda oqý-ádistemelik qyzmetke arnalǵan 10 kabinet, basshylyq pen oqytýshy-professorlar quramy úshin 5 kabinet, 7 aýditoriia, sondai-aq kovorking-ortalyqtary bar. Filialda arnaiy Sh.Ýálihanov atyndaǵy keden isi, Abai atyndaǵy qazaq tili jáne N.Tórequlov atyndaǵy halyqaralyq quqyq kabinetteri jasaqtaldy.
Resei Federatsiiasynda jetekshi qazaqstandyq JOO filialynyń ashylýy Eýraziialyq integratsiia sheńberinde eki eldiń ǵylymi jáne bilim berý áleýetin damytýǵa jáne odan ári yntymaqtastyqty nyǵaitýǵa yqpal etedi.
Aita keteiik, OmMÝ – kópfýnktsionaldy bilim berý, ǵylymi-zertteý jáne mádeni-aǵartý kesheni. F.M.Dostoevskii atyndaǵy Omby memlekettik ýniversiteti 1973 jyly qurylǵan. Búgingi tańda joǵary oqý ornynda 1056 oqytýshy men qyzmetker jumys isteidi, 5740 stýdent oqidy. Ýniversitette toǵyz fakýltet bar.
