Qos diplomdy bilim berýdiń qoǵamǵa bereri kóp
Osy oraida atalǵan ministrliktiń Maqan Esbolatov atyndaǵy Almaty akademiiasynda vedomstvolyq bilim berý oqý oryndarynyń tarihynda alǵash ret kásibi basqarýshylardy daiarlaý jónindegi eki diplomdy bilim berý baǵdarlamasyn iske asyrý bastaldy.
Atalǵan jobany iske asyrý seriktes-joǵary oqý orny – «Almaty menedjment ýniversitetimen» yntymaqtastyq týraly jasalǵan sharttyń arqasynda múmkin boldy.
«7M04112 - Jobalardy basqarý» jáne «7M12301 - Quqyq qorǵaý qyzmeti» beiindik baǵyttaǵy magistratýranyń eki diplomdy bilim berý baǵdarlamasy boiynsha oqýǵa politsiianyń aýmaqtyq bólimsheleriniń basshy laýazymdaryna kadr rezervinde turǵan ishki ister organdarynyń qyzmetkerleri tústi.
Eki diplomdy bilim berý baǵdarlamasy boiynsha daiyndyq protsesinde magistranttar úsh modýldiń pánderi boiynsha bilim alady: uiymdastyrýshylyq-basqarýshylyq, jobalyq basqarý jáne quqyq qorǵaý organdaryn basqarý.
Kýrs aiaqtalǵannan keiin túlekterge seriktes-joǵary oqý oryndarynyń joǵary oqý ornynan keiingi bilimi týraly diplomdar tabys etiledi jáne eki dáreje beriledi.
Magistranttar bul bastamany zor yntamen qabyldady jáne seriktes joǵary oqý oryndarynyń bilim berý baǵdarlamasyn igerýge kiristi. Qos diplomdy bilim berýdiń qoǵamǵa bereri kóp dep oilaimyz.
