Global Firepower (álem elderiniń áskeri qýatyn zertteitin uiym, red.) reitingine sensek, halyq sany 20 mln-ǵa jýyqtaityn Qazaqstan áskeri qýaty jóninen Orta Aziia aýmaǵynda Ózbekstannan keiin ekinshi orynda tur.
Reitingti túzgen sarapshylar eldiń áskeri áleýeti men áskeri tehnikasyn nazarǵa alǵan eken.
Global Firepower deregi boiynsha Qazaqstan Qarýly kúshteriniń ieleginde 300 tank, 1250 áskeri brondalǵan kólik, 400-den asa raketalyq qurylǵy, 15 ásker keme, 22-i tikushaq jáne 240 áskeri ushaq bar.
«Qazaqstandyq áskeri-tehnika negizinen Reseiden keledi. Al Resei óziniń áskeri ál-qýaty jóninen álemde AQSh-tan keiin ekinshi orynda tur», – deidi uiym sarapshylary.
Global Firepower-dyń málimetinshe KSRO tusynda elimizde áskeri teńiz qarýlaryn, tankilerdiń qorǵanys qurylǵylaryn, raketa keshenderin, PVO júielerine qajetti qosymshalar ázirleitin 50-ge jýyq áskeri-óndiristik baǵyttaǵy kásiporyn bolǵan.
Óz kezeginde Qorǵanys ministri Rýslan Jaqsylyqov «Qazaqstannyń qarý-jaraǵy men áskeri tehnikasyn tolyq jańartatyn kez keldi» dep otyr.
Ministrlik jospary boiynsha elimizdiń Qarýly kúshteri 2030 jylǵa deiin tolyq jańarýy tiis.
Vedomstvo basshysy otandyq qorǵanys ónerkásibin qaita tiriltý kerek degen ustanymda.
«Qorǵanys ónerkásibin jolǵa qoiar bolsaq, áskeri qaýipsizdigimizdi shegeleitin bolamyz. Bul baǵytta elimizdiń ishki-syrtqy saiasatyna baǵdar bolatyn Ulttyq qaýipsizdik strategiiasy qabyldanǵan bolatyn. Osy qujatqa tolyqtyrý retinde Qarýly kúshterdiń 2030 jylǵa deiin jańa tujyrymdamasy bekitildi», – deidi Jaqsylyqov.
Onyń atap ótkenindei, álemdegi sońǵy jaǵdailardy eskerip, Qazaqstannyń qarýly kúshterin tehnikalyq turǵydan tolyqtai jańartý ýaqyt talaby.
«2030 jylǵa deiin qorǵanys ónerkásibin jolǵa qoiýǵa mindettimiz. Keshendi damytý jospary daiyn. Áskerimizdiń tehnikalyq hám jaýyngerlik daiarlyǵyn jańa deńgeige kóteretin kez keldi. Al qorǵanys ónerkásibin damytýǵa qatysty joba-jospardy Indýstriia ministrligine usynyp qoidyq. Memleket qorǵanys salasyndaǵy tapsyrysty óz elinde ornalasqan kásiporyndarǵa júkter bolsa, bul kóptegen máseleni shesher edi», – deidi ministr.
https://dalanews.kz/news/80412-qazaqstan-resey-askeri-ariptestigi
https://dalanews.kz/aimak/80533-elordada-mektep-salynatyn-70-ten-asa-zher
