"Memleket basshysynyń tapsyrmasyna sáikes, ásker qyzmeti salasynda birqatar bastama qolǵa alynyp jatyr. Sonyń ishinde shuǵyl áskerge qyzyǵýshylyqty arttyrý da bar.
Atap aitqanda, krediti bar shuǵyl áskeri mindetin óteýshilerdi tólemnen ýaqytsha bosatý, sarbazdardyń otbasyna kommýnaldyq qyzmet aqysyn tóleýde jeńildik jasaý syndy sharýalar atqarylady.
Sonymen qatar bilim berý salasynda da jeńildikter qarastyrylyp jatyr. Odan bólek, áskeri mindetin ótegen soń olardy memlekettik organdarǵa jumysqa ornalastyrý jospary bar", - dedi Sultan Kamaletdinov Ortalyq kommýnikatsiialar qyzmeti alańynda ótken baspasóz máslihatynda.
Onyń aitýynsha, shuǵyl áskeri mindetin ótýshilerdiń bilim alýyna erekshe mán berilmek.
"Osy oraida bizdiń ministrlik eńbek naryǵynda suranysqa ie 16 mamandyq boiynsha oqytady. Onyń qatarynda traktor júrgizýshisi, dánekerleýshi, kran júrgizýshisi, taǵy sol siiaqty mamandyqtar bar. Osylaisha jastar áskeri mindetimen qatar, suranysqa sai mamandyqty meńgerip shyǵady. Bilimdi mindetin ótep jatqan áskeri bólim jáne áskeri oqý ortalyqtarynda alady", - deidi ol.
