Qorǵanys ministrligi mańyzdy málimdeme jasady. Áskerge shaqyrylatyn azamattardy jergilikti dárigerlerden quralǵan komissiia meditsinalyq tekserýden ótkizip, olardyń áskeri qyzmetke jaramdylyǵyn anyqtaidy eken, dep habarlaidy Dalanews.kz
Azamattardy áskerge shaqyrýdy uiymdastyrý jáne qamtamasyz etý óz quzyreti sheginde jergilikti atqarýshy organdarǵa júktelgen. Áskerge shaqyrý komissiiasynyń tóraǵasy – oblys ákiminiń orynbasary. Shaqyrylatyn azamattardyń tizimin jasaý, shaqyrtýlardy jiberý jáne shaqyrylym is-sharalaryn uiymdastyrý jergilikti áskeri basqarý organdarynyń mindetine jatady. Áskerge shaqyrylǵan azamattar komissiiasynyń shaqyrýymen jiyn pýnktine kelýge mindetti.
Eger shaqyrtýdy jeke tapsyrý múmkin bolmasa, azamattardy jetkizý mindeti ishki ister organdaryna júkteledi. Olar áskerge shaqyrýdan jaltarǵan adamdardy izdep, jetkizýmen ainalysady. Jergilikti atqarýshy organdar politsiiamen birlesip áskerge shaqyrý erejesin buzǵan azamattardy anyqtaý boiynsha reidtik is-sharalar júrgizedi. Shaqyrylǵan azamattar jiyn pýnktinde óziniń áskerge jaramdylyq mártebesi boiynsha tekserýden ótedi.
Meditsinalyq tekserý densaýlyq saqtaý organdarynyń mamandary arqyly júrgizilip, sarbazdardyń densaýlyǵy baǵalanady, jaramdylyq kategoriiasy anyqtalady jáne olardyń merzimdi áskeri qyzmetke jaramdylyǵy týraly sheshim qabyldanady.
Zańdy negizder bolsa, azamattarǵa áskerden keiinge qaldyrý nemese bosatý beriledi. Basqa jaǵdailarda olar Qazaqstan Respýblikasynyń Qarýly Kúshterine, basqa áskerlerge jáne áskeri quralymdarǵa merzimdi áskeri qyzmetke jiberiledi.
Aita keteiik, 18-den 27 jasqa deiingi, áskerden keiinge qaldyrý nemese bosatý quqyǵy joq azamattardy áskerge shaqyrý jylyna eki ret – naýryzdan maýsymǵa jáne qyrkúiekten jeltoqsanǵa deiin júrgiziledi.
Esterińizde bolsa, Shymkent qalasynda bir ai buryn áskerge ketken sarbaz qaitys bolǵan. Áskerge shaqyrtý kezinde meditsinalyq tekserý komissiiasy "áskerge jaramdy" degen qorytyndy bergen.
