Qaraǵandy oblysy Shet aýdany Qaıraqty aýylynyń turǵyndary vıdeoúndeý jasady. Turǵyndar jergilikti halyqqa eshqandaı kómek kórsetilmeı jatqanyn málimdedi, - dep habarlaıdy Dalanews.kz. 

«Qaıraqty aýylynyń turǵyndary jınalyp, úkimet basyna, aýdan jáne aýyl ákimine joldaýymyzdy jibereıik dep edik. Aýyl azamattarynyń ýáji bar: aýyldy sý basyp ketti, eshqandaı kómek joq: Keshe ákeldi tastady halyqty. Úıleri sý. Jas balalary shetinen aýyryp jatyr. Jol joq. Halyqta otyn da, sý da aǵyp ketti. Kómek jasaıtyn ákimdikten esh kómek bolyp jatqan joq. Halyqtyń jaǵdaıyn suramaıdy. Halyq ne isterin bilmeı abdyrap júr. Qonatyn jer joq.

Bul Úkimet bizge qashan kómektesedi? 2015 jyly sý tasyǵan kezde dál osylaı aldap tastap ketken. Keleshekte qulap jatqan úılerimiz bar, ketken malymyz bar, qoramyz bar. Sony bizdiń ákimdik tekserip, qashan ótep beredi? Aldap ketip jatyr. Qaǵaz júzinde ony eshkim kelip tirkep jatqan joq. Bul halyqtyń janaıqaıy», - deıdi aýyl turǵyndary Qaz365.kz redaksıasyna.

Aıta keteıik, buǵan deıin TJM Qaraǵandy oblysynda sý tasqynyna qarsy qandaı sharalar qabyldanyp jatqanyn aıtqan bolatyn. 

Samarqand, Intýmak, Sherýbaı - Nura sý qoımalarynan sý aǵyzýdyń ulǵaıýyna baılanysty, eldi mekenderde bilikterdi nyǵaıtý jáne qaptardy tóseý boıynsha is-sharalar júrgizilip jatyr. Turǵyn alaptardyń sý basýyna jol bermeý maqsatynda 19 myń m3 astam erigen sý sorylǵan. Eldi mekenderde 52955 qap tóselip, 60 tonna ınertti materıaldar quıyldy.

TJD, PD, QM, JAO jáne uıymdardyń kúshteri men quraldary jumyldyrylǵan.