Almaty oblysynda zań buzýshylyqpen berilgen iri jer telimi memleket menshigine qaitaryldy, dep habarlaidy Dala news.
Aýyl sharýashylyǵy ministrligi Jer resýrstaryn basqarý komitetiniń Almaty oblysy boiynsha departamenti Qonaev qalasy ákimdiginiń qyzmetine jospardan tys tekserý júrgizdi. Tekserýge jer ýchaskesin berý zańdylyǵyna qatysty máseleler negiz bolǵan.
Tekserý barysynda jalpy aýmaǵy 150 myń gektar bolatyn jer telimi turǵyn-oiyn-saýyq kesheni men zoologiialyq park salý úshin berilgeni anyqtalǵan.
Alaida jerdi berý kezinde Jer kodeksiniń talaptary buzylǵany, atap aitqanda, ýchaskeni bólý qalanyń bas josparyna qaishy kelgeni belgili boldy.
Qonaev qalasy ákimdigine berilgen nusqama belgilengen merzimde oryndalmaǵan. Osyǵan bailanysty prokýratýra Qonaev qalalyq sotyna talap aryzben júgindi.
Sot protsesi barysynda jer resýrstaryn basqarý departamentiniń ókilderi úshinshi tarap retinde qatysyp, anyqtalǵan zań buzýshylyqtar boiynsha túsinikteme berdi.
Isti qaraý nátijesinde sot talapty tolyq qanaǵattandyrdy. Kommertsiialyq maqsatta berilgen jer ýchaskesi memleket menshigine qaitaryldy.
Sonymen qatar bul aqparat qoǵamda qyzý talqylanyp jatyr. Almaty oblysy ákiminiń baspasóz hatshysy Dias Nuraqyn áleýmettik jelidegi paraqshasynda 150 myń gektar jer týraly málimettiń shynaiylyǵyna kúmán keltirdi.
Onyń aitýynsha, mundai kólemdegi jer oiyn-saýyq kesheni úshin tym úlken bolýy múmkin.
«Almaty oblysynda 150 myń gektar aýmaq memleket menshigine ótti degen aqparat tarap jatyr. Bul at shaptyrym aýmaqqa oiyn-saýyq ortalyǵy salynbaqshy eken deidi. Dál osy jerde sál-pál logikany qosyp oilaný kerek edi. 150 myń gektar jerge eki Almaty qalasyn syidyrýǵa bolady. Almatynyń jer kólemi – 68 myń gektar», – dep jazdy ol.
Nuraqynnyń pikirinshe, mundai derekterdi taratqanda aqparattyń naqtylyǵy muqiiat tekserilýi tiis.
