Búgin Qonaev qalasynyń Mádeniet úiinde «Daryndy oqýshylar jetistikteri forýmy» atty aitýly shara ótti. Bul daryndy balalardy qoldaýǵa jáne yntalandyrýǵa baǵyttalǵan shara, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Halyqaralyq, respýblikalyq olimpiadalarda óńirimizdiń abyroiyn asqaqtatqan 145 oqýshy úshin, oqý jylynyń aiaqtalýy erekshe tańdanys pen qurmetke bólenýge sebep boldy. Joǵary nátijelerge qol jetkizip jatqan daryndy balalar sanynyń udaiy kóbeiýi, memleket basshysy Qasym-Jomart Kemeluly Toqaevtyń bilim salasyna erekshe kóńil bólip, qoldaý kórsetip otyrǵanynyń kórsetkishi.
Joǵary nátijege jetýge oblystyń ár aýdanyndaǵy bilim oshaqtary, sonyń ishinde Ile, Qarasai, Eńbekshiqazaq aýdandary, «Arystan» litseii men «Dana» jekemenshik mektepteri jaýapty.
Oblys qazynasyna kóptegen marapattar men jetistikter ákelgen Álhanbek Malkeev atyndaǵy oblystyq «Bilim-Innovatsiia» litseiin erekshe atap ótýge bolady. Sharaǵa oblystyq «Bilim-Innovatsiia» litseiiniń muǵalimderi – Tamara Eshanova men Aýkenov Bekzat, Ile aýdany No38 mekteptiń zań pániniń muǵalimi – Narymova Leila, Eńbekshiqazaq aýdany, Rahat No1 orta mektebiniń himiia pániniń muǵalimi - Nurtai Ernazar qatysty.
– Mektep qabyrǵasyndaǵy biik jetistikter – Memleket basshysy Qasym-Jomart Kemeluly Toqaevtyń bilim salasyna degen erekshe kózqarasy men qoldaýynyń jemisi. Sonyń arqasynda oblysymyzda bilim salasy júieli damyp keledi. Ótken oqý jylynda bilim sapasy 67,2% (2023 j. – 65,8%) qurady. Biyl mektep bitirgen 14 myń túlektiń 1206-sy «úzdik attestat», 946 bala «Altyn belgi» tósbelgisi iegeri atandy, – dedi óńir basshysy.
Saltanatty jiynda jeńimpazdarǵa Almaty oblysy ákiminiń atynan alǵys hattar tabys etildi.
– Men Qonaev qalasynyń orta mektep-gimnaziiasynyń oqýshysymyn. Daryndy balalar tiziminde bolý men úshin úlken mártebe! Ustazdarymnyń kórsetken qoldaýlary men bergen bilimderi arqyly men bolashaqta kóp jetistikterge qol jetkize alatynyma senimdimin, – dedi aǵylshyn tili sektsiiasy boiynsha respýblikalyq olimpiada jeńimpazy Qoishyman Aizere.
Is-shara qorytyndylaý men qurmet kórsetý ǵana emes, sonymen qatar elimizdiń bolashaǵy men bailyǵy – daryndy balalardyń baǵa jetpes jetistikteri ekeni eske salyndy.
